ఈ మధ్య కాలంలో వరుస సినిమాలతో హిట్ అందుకుంటోన్న హీరో కార్తి. త్వరలోనే ఆయన మెయ్యళగన్ అనే మూవీతో ఆడియన్స్ ముందుకు రాబోతున్నాడు. ఆ మూవీలో తమిళ్ సీనియర్ స్టార్ నటుడు అరవింద్ స్వామి కూడా ఓ కీలక పాత్రలో కనిపించనున్నారు. కార్తీ, అరవింద్ స్వామి కాంబోలో వస్తున్న ఈ మూవీ బాక్సాఫీస్‌ను షేక్ చేయనుందని ఫ్యాన్స్ అంటున్నారు. 96 మూవీతో సక్సెస్ సాధించిన డైరెక్టర్ సి ప్రేమ్ కుమార్ మెయ్యళగన్ మూవీ షూటింగ్‌ను వేగంగా ఫినిష్ చేయాలని చూస్తున్నారు. ఈ మూవీలో ధోనీకి వీరాభిమానిగా కార్తీ కనిపిస్తారట. అందుకే సినిమాలో భాగంగా ఆయన తన చేతిపై ధోని పేరును టాటూగా వేయించుకున్నట్లు తెలుస్తోంది. ఈ మూవీ కోసం ధోనీ ఫ్యాన్స్‌తో పాటుగా కార్తీ ఫ్యాన్స్ ఎంతగానో ఎదురుచూస్తున్నారు.
సూర్య, జ్యోతికలు కలిసి ఈ మూవీని నిర్మిస్తుండటం విశేషం. ఈ మూవీలో శ్రీదివ్య, స్వాతి కొండే, దేవ దర్శిని, జయప్రకాష్‌, రాజ్‌ కిరణ్ వంటివారు నటిస్తున్నారు. గోవింద్‌ వసంత సంగీతం ఈ మూవీకి మరింత ప్లస్ కానుంది. ఈ మూవీని సెప్టెంబర్‌ చివరి వారంలో రిలీజ్ చేయడానికి సన్నాహాలు చేస్తున్నారు. ప్రస్తుతం పోస్ట్ ప్రొడక్షన్ పనులు జరుపుకుంటోన్న ఈ మూవీకి సంబంధించి త్వరలోనే ట్రైలర్ రానున్నట్లు మేకర్స్ తెలిపారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి