అంతేకాకుండా గత కొంత కాలం పాకిస్తాన్ క్రికెట్ బోర్డు చైర్మన్ దగ్గర నుంచి కోచింగ్ సిబ్బంది ఇక ఆ జట్టు కెప్టెన్స్ వరకు అన్ని విషయాలలో కూడా మార్పులు చోటు చేసుకుంటూ ఉన్నాయి. ఈ మార్పులు జట్టు వైఫల్యానికి కారణం అవుతున్నాయి. అదే సమయంలో జట్టులో ఉన్న ఆటగాళ్ల మధ్య సఖ్యత లేదు అన్న విషయం తరచూ బయటపడుతూనే ఉంది అన్న విషయం తెలిసిందే. ఇలాంటి పరిస్థితుల మధ్య పాకిస్తాన్ క్రికెట్ బోర్డులో మార్పులు రావలసిన అవసరం ఉందని ఎంతోమంది అభిప్రాయం వ్యక్తం చేస్తున్నారు.
ఇలాంటి సమయం లో పాకిస్తాన్ మాజీ ఆటగాడు షోయబ్ మాలిక్ ఒక ఆసక్తికర విషయాన్ని వెల్లడించాడు. పాకిస్తాన్ క్రికెట్ బోర్డు సెలెక్టర్గా తనకు అవకాశం వచ్చిందని.. కానీ తానే రిజెక్ట్ చేశాను అంటూ చెప్పుకొచ్చాడు ఈ మాజీ ఆల్ రౌండర్. ప్రస్తుతం తాను ఫ్రాంచైజీ క్రికెట్లో ఆడుతున్నానని ఇలాంటి పరిస్థితుల్లో తనతో కలిసి ఆడుతున్న ఆటగాళ్ళను తాను ఎలా సెలెక్ట్ చేయగలను అంటూ అభిప్రాయపడ్డాడు. పాకిస్తాన్ తరపున ఆడటం పై ఎలాంటి ఆసక్తి లేదని.. కానీ దేశవాళి టీ20 లలో మాత్రం కొనసాగుతాను అంటూ చెప్పుకొచ్చాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి