కాగా మరికొన్ని రోజుల్లో ఇలాంటి ఉత్కంఠ ప్రారంభం కాబోతుంది అన్న విషయం తెలిసిందే. అక్టోబర్ మూడవ తేదీ నుంచి మహిళల టి20 ప్రపంచ కప్ జరగబోతుంది. అయితే ఇక ఈ టి20 ప్రపంచ కప్ కు సంబంధించిన షెడ్యూల్ ఇటీవల icc సవరిస్తూ నిర్ణయం తీసుకుంది. తొలుత ఈ ప్రపంచకప్ టోర్నీని బంగ్లాదేశ్లో నిర్వహించాల్సి ఉంది. కానీ అక్కడ పరిస్థితులు ప్రస్తుతం క్షీణించడంతో ఇక వరల్డ్ కప్ ను యునైటెడ్ అరబ్ ఎమిరేట్స్ కు మార్చారు. ఈ క్రమంలోనే ప్రపంచ కప్ మ్యాచ్లు అన్నీ కూడా షార్జా క్రికెట్ స్టేడియంలో జరుగుతాయట.
అక్టోబర్ మూడవ తేదీ నుంచి ఈ ప్రపంచకప్ ప్రారంభం కాబోతుండగా మొదటి మ్యాచ్లో స్కాట్లాండ్ బంగ్లాదేశ్ జట్లు తలపడతాయట. అయితే ఇక ఈ ప్రపంచ కప్ లో భారత్ పాకిస్తాన్ మ్యాచ్ ఎప్పుడు అన్న విషయాన్ని తెగ వెతికేస్తూ ఉన్నారు క్రికెట్ ప్రేక్షకులు. అయితే అక్టోబర్ 4వ తేదీన భారత్ మొదటి మ్యాచ్ న్యూజిలాండ్తో ఆడబోతుంది టీమిండియా. ఆ తర్వాత అక్టోబర్ 6న ఇండియా, పాకిస్తాన్ మధ్య హై వోల్టేజ్ మ్యాచ్ జరగనుంది అని చెప్పాలి. కాగా అక్టోబర్ 3న ప్రారంభమయ్యే ఈ ప్రపంచకప్ టోర్ని అక్టోబర్ 20 వరకు జరుగుతుంది. మొత్తంగా ఈ వరల్డ్ కప్ టోర్నీలో 23 మ్యాచ్ లు జరగబోతున్నాయి అని చెప్పాలి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి