రోహిత్ శర్మ క్రీజులో కుదురుకున్నాడు అంటే స్కోర్ బోర్డును పరుగులు పెట్టిస్తాడు అని ప్రత్యర్ధులు కూడా అనుకుంటూ ఉంటారు. ఇక మంచి ఫామ్ లో ఉన్న రోహిత్ శర్మకు బౌలింగ్ వేయాలంటే బౌలర్లు వణికిపోతూ ఉంటారు. కానీ అలాంటి రోహిత్ శర్మ ఇక ఇప్పుడు బంగ్లాదేశ్ తో జరుగుతున్న టెస్ట్ సిరీస్ లో మాత్రం తన బ్యాటింగ్ తో పెద్దగా ప్రభావం చూపలేకపోతున్నాడు. తన వ్యూహాలతో జట్టును సమర్ధవంతంగా ముందుకు నడిపిస్తూ.. బంగ్లాదేశ్ టీం పై పూర్తిగా ఆధిపత్యం చెలాయిస్తున్నప్పటికీ బ్యాటరీ గా మాత్రం సక్సెస్ కావట్లేదు.
అయితే మొదటి ఇన్నింగ్స్ లో కేవలం 6 పరుగులు మాత్రమే చేసి వికెట్ సమర్పించుకున్న రోహిత్ శర్మ.. రెండో ఇన్నింగ్స్ లో అయినా సత్తా చాటుతాడని అందరూ అనుకున్నారు. కానీ రెండో ఇన్నింగ్స్ లో కేవలం ఐదు పరుగులు మాత్రమే చేసి వికెట్ కోల్పోయాడు. ఇలా రెండు ఇన్నింగ్స్ లలో సింగిల్ డిజిట్ స్కోర్లకే పరిమితం అయ్యాడు అని చెప్పాలి. అయితే రోహిత్ విషయంలో ఇలా కేవలం నాలుగు సార్లు మాత్రమే జరిగింది. ఒకే టేస్టులో రెండు ఇన్నింగ్స్ లలో రోహిత్ రెండు అంకెల స్కోరు దాటకపోవడం ఇది నాలుగో సారి మాత్రమే. ఇంతకుముందు 2015లో శ్రీలంకపై, 2015, 2023లో సౌత్ ఆఫ్రికాలో జరిగిన టెస్టుల్లో రోహిత్ శర్మ సింగిల్ డిజిట్ స్కోర్ కే విలియం చేరాడు. వచ్చే టెస్ట్ లో అయినా రోహిత్ పుంజుకోవాలని అభిమానులు కోరుకుంటున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి