ధోని కనిపించాడు అంటే చాలు ఏకంగా తెగ మురిసిపోయే అభిమానులు కోట్లలోనే ఉన్నారు. అయితే అంతర్జాతీయ క్రికెట్ కెరీర్ కు రిటైర్మెంట్ ప్రకటించినప్పటికీ ఐపీఎల్లో మాత్రం తన ఆటని కొనసాగిస్తూ ప్రేక్షకులను ఆకట్టుకుంటున్నాడు ధోని. కాగా ధోని కెప్టెన్సీలో దిట్టా. ఎలాంటి క్లిష్ట పరిస్థితుల్లోనైనా సరే సహనాన్ని కోల్పోకుండా ఎంతో కూల్ గా కనిపిస్తూ ఉంటాడు. అందుకే మహేంద్ర సింగ్ ధోనిని మిస్టర్ కూల్ కెప్టెన్ అని పిలుస్తూ ఉంటారు. కొన్ని కొన్ని సార్లు చూస్తూ ఉంటే అసలు ధోనీకి కోపం రాదా.. ఒక మనిషి ఇలా ఎలా ఉండగలడు అనే అనుమానం కూడా ప్రేక్షకుల్లో కలుగుతూ ఉంటుంది.
అయితే ఇటీవల ఇదే విషయంపై ధోని కెప్టెన్ గా ఉన్న చెన్నై సూపర్ కింగ్స్ జట్టు తరఫున గతంలో ప్రాతినిధ్యం వహించిన మోహిత్ శర్మ ఆసక్తికర వ్యాఖ్యలు చేశాడు. కెప్టెన్ కూల్ గా పేరు ఉన్న మహేందర్ సింగ్ ధోనీకి కూడా కోపం వస్తుంది అంటూ తెలిపారు. మ్యాచ్ కీలకంగా ఉన్న క్షణాల్లో ధోని కి కోపం వచ్చింది. బేవకూఫ్ తూ నహి హై.. బేవకూఫ్ మై హు అంటూ తిట్టారు ధోని. ఇక ఈ విషయాన్ని మోహిత్ శర్మ ఒక పాడ్ కాస్ట్ లో గుర్తు చేసుకున్నారు. ఆయనలోని ఈ కోణాన్ని కొద్దిమంది మాత్రమే చూశారు అంటూ చెప్పుకొచ్చాడు దీపక్ చాహార్ కూడా ఇలా ధోనీ చేతిలో తిట్లు తిన్నవాడే అంటూ చెప్పుకొచ్చాడు. అయితే ఇది కేవలం గ్రౌండ్ వరకు మాత్రమే పరిమితం అవుతుంది అంటూ తెలిపాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి