అయితే జట్టులో ఉన్న కోచింగ్ సిబ్బంది దగ్గర నుంచి కెప్టెన్ల వరకు ప్రతి ఒక్కరిని కూడా మార్చిన అటు పాకిస్తాన్ ఆటతీరులో మాత్రం మార్పు రాలేదు. అదే సమయంలో ఇక పాకిస్తాన్ క్రికెట్లో రాజకీయ జోక్యం ఎక్కువ కావడం కూడా ఆ దేశ క్రికెట్ పతనం కావడానికి కారణాలుగా మారిపోతున్నాయి అని ఎంతోమంది క్రికెట్ విశ్లేషకులు కూడా అభిప్రాయం వ్యక్తం చేస్తున్నారు. దానికి తోడు వారి దేశంలో ఏర్పడిన ఆర్థిక సంక్షోభం చివరికి క్రికెటర్ల వరకు చేరింది అన్న విషయం తెలిసిందే. ఈ క్రమంలోనే కనీసం క్రికెటర్లకు జీతాలు చెల్లించలేని పరిస్థితి నెలకొంది.
దీంతో పాకిస్తాన్ క్రికెట్ రోజు రోజుకి తీవ్ర సంక్షోభంలో పడిపోతుంది. బంగ్లాదేశ్ చేతిలో ఓటమి, ఆ తర్వాత కెప్టెన్సీ నుంచి బాబర్ వైదొలుగుతున్నట్లు ప్రకటన చేయడం, ఇక బోర్డు మార్పులతో గందరగోల పరిస్థితి నెలకొనడం జరుగుతుంది. అయితే ఇక ఇప్పుడు పాకిస్తాన్ క్రికెటర్లకు సంబంధించిన ఒక విషయం హాట్ టాపిక్ ఆ మారింది. ఈ విషయం తెలిస్తే ఇక ఆ దేశ క్రికెటర్ల పై ప్రతి ఒక్కరికి జాలి కలుగుతుంది. పాకిస్తాన్ తరపున ఆడుతున్న ఉమెన్, మెన్ క్రికెటర్లకు 4 నెల నుండి జీతాలు అందడం లేదట. 25 మంది సెంట్రల్ కాంట్రాక్ట్ 2026 వరకు ఉండగా.. త్వరలోనే సమీక్షించనున్నట్లు తెలుస్తోంది. జెర్సీలపై లోగో స్పాన్సర్షిప్ పేమెంట్లు కూడా రావట్లేదు. చివరికి ఒక్క రూపాయి కూడా తీసుకోకుండానే పాకిస్తాన్ క్రికెటర్లు ఆ దేశ జట్టు తరఫున ఆడుతున్నారు అన్న విషయం బయటపడింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి