రెండో ఇన్నింగ్స్‌లో స్టార్ బ్యాటర్ కోహ్లీ బాదిన భారీ సిక్సర్‌ వలన భారత్ జట్టు 100 సిక్స్ల మైలురాయిని సాధించింది. ఈ సంవత్సరం ఇప్పటి వరకు 17 ఇన్నింగ్స్‌లు ఆడిన టీమ్ ఇండియా ఇప్పటి వరకు 102 సిక్స్‌లు కొట్టడం విశేషం. ఈ జాబితాలో భారత జట్టు తర్వాత ఇంగ్లాండ్ (2022) 89 సిక్స్లతో రెండో స్థానంలో ఉండగా, 87 సిక్స్లతో మూడో స్థానంలో మళ్లీ భరత్ (2021) ఉండడం కొసమెరుపు. ఇక ఆ తర్వాత నాలుగు ఐదు స్థానాల్లో న్యూజిలాండ్ (2014 - 81, 2013 - 71) నిలిచింది.
ఇకపోతే, ప్రస్తుతం జరుగుతున్న తొలి టెస్ట్ రెండో ఇన్నింగ్స్‌లో ఇప్పటి వరకు భారత జట్టు మొత్తం 5 సిక్స్‌లు కొట్టగా... అందులో రోహిత్ శర్మ, విరాట్ కోహ్లీ చెరొక సిక్స్ బాదగా, సర్ఫరాజ్ ఖాన్ 3 సిక్స్‌లు కొట్టడం విశేషంగానే చెప్పుకోవాలి. కాగా ఈ ఏడాది ముగిసేలోపు టీమ్ ఇండియా ఈ రికార్డ్‌ను మరింత మెరుగు చేసుకోనుంది మరి. కనీసం 150 సిక్స్ల మైలురాయిని అందుకోవచ్చని క్రికెట్ విశ్లేషకులు అంటున్నారు. దాంతో టీమిండియా అభిమానులు ఇదే విషయం పైన ఖుషీ అవుతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి