ఇకపోతే, నిన్న‌టి మ్యాచ్‌లో తొలి ఇన్నింగ్స్ లో బ్యాటింగ్‌కు దిగిన రోహిత్ శర్మ తొమ్మిది బంతులను బాగా ఎదుర్కొని, పరుగుల ఖాతా తెర‌వ‌కుండానే పెవిలియ‌న్ చేరి, అభిమానులకు షాక్ ఇచ్చాడు. టిమ్ సౌథీ బౌలింగ్‌లో క్లీన్‌బౌల్డ్ అయ్యి, అవుట్ అయ్యాడు. ఇలా టెస్టుల్లో డకౌట్ కావడం రోహిత్‌కి ఇది ఆరోసారి కావడం కొసమెరుపు. పూణేలోని ఎంసీఏ స్టేడియంలో జరుగుతున్న 2వ టెస్టులో టాస్ గెలిచి, మొదట బ్యాటింగ్ చేసిన కివీస్‌ను భార‌త స్పిన్న‌ర్లు బాగానే కట్టడి చేయడం జరిగింది. కేవ‌లం 259 ప‌రుగుల‌కే ఆలౌట్ చేశారు.
వాషింగ్టన్ సుందర్ 7 వికెట్ల‌తో విజృంభించ‌గా.. అశ్విన్ 3 వికెట్స్ తీసి పర్వాలేదు అనిపించాడు. ఆ తరువాత తొలి ఇన్నింగ్స్ ప్రారంభించిన టీమిండియా తొలి రోజు ఆట ముగిసే స‌మ‌యానికి వికెట్ న‌ష్టానికి 16 ప‌రుగులు మాత్రమే చేసింది. శుభ్‌మన్ గిల్ (6 బ్యాటింగ్ ), యశస్వి జైస్వాల్ (10 బ్యాటింగ్) నాటౌట్‌గా క్రీజులో ఉన్నారు. భారత్ ఇంకా 243 పరుగుల వెనుకంజలో ఉంది. కాగా విశ్లేషకులు ఏం చెబుతున్నారంటే, కుల్దీప్ యాదవ్ జట్టులో ఉంటే ఈ పిచ్ పై అత్యంత భీభత్సం చేసేవాడని అభిప్రాయ పడుతున్నారు. చైనామన్ స్పిన్నర్ కావడంతో స్పిన్ ట్రాక్ పై కుల్దీప్ యాదవ్ ను ఆడటం అంత సులభంగా ఉండదు. అయితే కుల్దీప్ యాదవ్ ను పక్కన పెట్టి టీమిండియా పెద్ద తప్పు చేసినట్లే కనిపిస్తుంది అని విశ్లేషకులు మాట్లాడుతున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి