అలాంటిది ఇటీవల టీమిండియా కు అటు సొంత గడ్డ మీదే ఘోర పరాజయం ఎదురైంది. భారత పర్యటనకు వచ్చిన న్యూజిలాండ్ చేతిలో అటు టీమ్ ఇండియా దారుణంగా ఓడిపోయింది. మూడు మ్యాచ్ లలో టెస్ట్ సిరీస్ లో మూడింటిలో కూడా ఓడిపోయి క్లీన్ స్వీప్ అయింది. అయితే భారత జట్టు ఇలా సొంత గడ్డపై క్లీన్ స్వీప్ కావడం ఇదే మొదటిసారి. ఇక ఈ ఓటమిని అసలు జీర్ణించుకోలేకపోతున్నారు టీమిండియా అభిమానులు. ఈ క్రమంలోనే టెస్ట్ ఫార్మాట్లో రాణించలేకపోయిన భారత బ్యాట్స్మెన్లు తీరుపై తీవ్రస్థాయిలో విమర్శలు గుప్పిస్తున్నారు.
అయితే ప్రస్తుతం న్యూజిలాండ్ చేతిలో ఘోర ఓటమి నేపథ్యంలో అటు అభిమానులు అందరూ కూడా ఇద్దరు ఆటగాళ్లను గుర్తు చేసుకుంటున్నారు. టెస్ట్ స్పెషలిస్ట్ బ్యాట్స్మన్ గా పేరు సంపాదించుకున్న రహానే, పూజారాలను టీమిండియా ఫ్యాన్స్ గుర్తు చేసుకుంటున్నారు. టెస్ట్ ఫార్మాట్లో టీమ్ ఇండియాలో వీరు లేని లోటు స్పష్టంగా కనిపిస్తుంది అంటూ సోషల్ మీడియాలో కామెంట్లు చేస్తున్నారు. గెలిచే మ్యాచ్ లో కూడా టీం ఇండియా ఓడి పోయిందని.. ఇకనైనా బీసీసీఐ తేరుకొని సమర్థులైన వారిని జట్టు లోకి తీసుకోవాలి అంటూ సూచిస్తున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి