టీమిండియా మాజీ బ్యాటింగ్ కోచ్ సంజయ్ బంగర్ కుమారుడు ఆర్యన్ బంగర్ అమ్మాయిల మారిపోయాడు. తండ్రి బాటలోనే క్రికెట్ ను కెరియర్ గా ఎంచుకున్న ఆర్యన్ తన శరీర ధర్మానికి అనుగుణంగా అనయగా మార్పు చెంది ప్రతి ఒక్కరిని ఆశ్చర్యపరిచాడు. ఈ విషయాన్ని ఇప్పటికే అధికారికంగా ప్రకటించిన ఆర్యన్ స్త్రీగా మార్పు చెందడంలో తన ప్రయాణం సాగిన వివరాలను ప్రతి ఒక్కరికి వివరిస్తూ తాజాగా ఓ వీడియోను సోషల్ మీడియా వేదికగా పంచుకున్నాడు.
శారీరకంగా బలాన్ని కోల్పోయిన అంతులేని సంతోషాన్ని పొందానంటూ ఆర్యన్ వెల్లడించారు. నా శరీరం పూర్తిగా మారిపోయింది. నాలోని అసంతృప్తి కొద్దికొద్దిగా తగ్గుముఖం పడుతుందంటూ ఆర్యన్ అన్నాడు. ఇంకా నేను చాలా దూరం ప్రయాణించాల్సి ఉంది. ఇకనుంచి నేను వేసే ప్రతి అడుగు నాకు మరింతగా నచ్చుతుంది అంటూ అనయగా మారిన ఆర్యన్ ఆ వీడియోలో తన సంతోషాన్ని వెల్లడించాడు.
భారత దేశవాళీ క్రికెట్ ఆడిన ఆర్యన్ ప్రస్తుతం ఇంగ్లాండ్ లో ఉంటున్నట్లుగా సమాచారం అందుతోంది. క్రికెట్ ఆడే అవకాశం లేకపోవడంతో క్రికెటర్ కావాలని, తన కలకు దూరం అయ్యే పరిస్థితి వచ్చిందంటూ అనయగా మారిన ఆర్యన్ సోషల్ మీడియాలో తన ఆవేదనను వ్యక్తం చేశాడు. ప్రస్తుతం ఇతనికి సంబంధించిన వీడియో వైరల్ అవుతుంది. అయితే.. టీమిండియా మాజీ బ్యాటింగ్ కోచ్ సంజయ్ బంగర్ కొడుకు ఇలా చేయడంపై తండ్రిగా బంగర్ ఇంకా స్పందించలేదు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి