భారత క్రికెట్లో టాలెంటెడ్ క్రికెటర్స్ చాలామంది ఉన్నారు. వారిలో ఛాన్స్ లు సరిగ్గా రాక తమ టాలెంటును నిరూపించుకోలేకపోయిన వారు కూడా ఇండియన్ క్రికెట్ హిస్టరీలో ఉన్నారు. ఇలా అన్ లక్కీ క్రికెటర్ గా పేరు సంపాదించుకున్న వారిలో సంజు శాంసన్ మొదటి వరుసలో ఉంటాడు. వికెట్ కీపర్ కం బ్యాట్స్మెన్ అయిన ఈ ఆటగాడు ఇప్పటివరకు మిగతా ఆటగాళ్ళతో పోల్చి చూస్తే అందుకుంది చాలా తక్కువ అవకాశాలు.


 దీంతో ఇండియన్ క్రికెట్లో అతని దురదృష్టవంతుడైన క్రికెటర్ గా పిలుచుకుంటూ ఉంటారు. కానీ ఇప్పుడు సంజుకి దురదృష్టం కాస్త అదృష్టంగా మారిపోతుంది అన్నది తెలుస్తుంది. ఎందుకంటే అతను పట్టిందల్లా బంగారమే అవుతుంది. ఇక ఆడిన ప్రతి మ్యాచ్ లో అతని ప్రదర్శన అదిరిపోతుంది. దీంతో ఇటీవల కాలంలో ఇండియన్ క్రికెట్ లో టాక్ ఆఫ్ ది టౌన్ గా మారిపోయాడు సంజు శాంసన్. ఏకంగా సెంచరీల మోత మోగిస్తూ ఇలాంటి క్రికెటర్ నా ఇన్నాళ్లు దూరం పెట్టాం అని సెలెక్టర్లు సైతం బాధపడే విధంగా చేస్తూ ఉన్నాడు. ఇక ఇటీవల సౌత్ ఆఫ్రికా తో జరిగిన నాలుగవ టి20 మ్యాచ్ లో కూడా అదరగొట్టేసి సెంచరీ తో చెలరేగిపోయాడు.


 దీంతో కేవలం ఇండియన్ క్రికెట్ లో మాత్రమే కాదు వరల్డ్ క్రికెట్ లోనే సంచలన రికార్డును సాధించాడు సంజు శాంసన్. ఒక క్యాలెండర్ ఇయర్ లో అంతర్జాతీయ టి20 లలో మూడు సెంచరీలు కొట్టిన తొలి ఆటగాడిగా నిలిచాడు. ఇప్పటివరకు ఏ క్రికెటర్ కూడా ఒకే ఏడాదిలో టి20 ఫార్మాట్లో మూడు సెంచరీలు చేయలేదు. అలాగే టి20 ఫార్మాట్లో నాలుగు సెంచరీలు చేసిన తొలి భారత వికెట్ కీపర్ గా ఘనత సాధించాడు సంజు. గతంలో కేఎల్ రాహుల్ రెండు సెంచరీలు సాధించాడు. ఇషాన్ కిషన్ వికెట్ కీపర్ గా ఒక సెంచరీ సాధించాడు. ఇలా సంజూకు అన్నీ కలిసివస్తూ అన్ లక్కీ కాస్త ఇక ఇప్పుడు అతనికి లక్కీగా మారిపోతుంది.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

praveen

16/11/2024 03:45 PM