ఐపీఎల్ 2025 మెగా వేలంలో క్రికెట్ ప్రపంచం షాక్ అయ్యేలా రిషభ్ పంత్ భారీ ధర పలికాడు. జెద్దాలో జరిగిన ఈ వేలంలో లక్నో సూపర్ జెయింట్స్ (LSG) ఫ్రాంచైజీ రిషభ్ పంత్‌ను రూ. 27 కోట్లకు కొనుగోలు చేసింది. ఇంత భారీ ధరకు ఒక క్రికెట్ ఆటగాడు అమ్ముడుపోవడం ఇది మొదటిసారి.రిషభ్ పంత్ ఇప్పటి వరకు ఢిల్లీ క్యాపిటల్స్‌కు ఆడుతున్నాడు. అతన్ని తిరిగి తమ జట్టులోకి తీసుకోవాలనే ఉద్దేశంతో ఢిల్లీ క్యాపిటల్స్ రైట్ టు మ్యాచ్ (RTM) కార్డును వాడారు. అంటే, వేరే జట్టు ఏ ధరకు పలికినా అదే ధరకు వారు పంత్‌ను తమ జట్టులోకి తీసుకోవచ్చు. ఢిల్లీ క్యాపిటల్స్ మొదట రూ. 20.75 కోట్లు పలికింది. కానీ లక్నో సూపర్ జెయింట్స్ ఈ ధరను మరింత పెంచి రూ. 27 కోట్లు పలికింది. దీంతో ఢిల్లీ క్యాపిటల్స్ ఈ ధరకు మించి వేలంపాట పాడలేకపోయింది. ఫలితంగా రిషభ్ పంత్ లక్నో సూపర్ జెయింట్స్ జట్టులో చేరాడు. ఈ వేలం ద్వారా రిషభ్ పంత్ ఐపీఎల్ చరిత్రలో అత్యంత ఖరీదైన ఆటగాడిగా నిలిచాడు.

రిషభ్ పంత్‌కు ఈ భారీ కాంట్రాక్ట్ లభించడం అతని కెరీర్‌లో ఒక మైలురాయి. ముఖ్యంగా, గత సంవత్సరం అతను ప్రమాదంలో పడి, చాలా కష్టపడి కోలుకున్న తర్వాత ఈ విజయం అతనికి మరింత ప్రత్యేకమైనది. 2022లో ఒక భయంకరమైన కారు ప్రమాదంలో చిక్కుకున్న పంత్, చాలా చికిత్స తీసుకున్న తర్వాత తిరిగి అంతర్జాతీయ క్రికెట్‌లోకి అద్భుతంగా తిరిగి వచ్చాడు. ఇప్పుడు అతను మార్చి 14న ప్రారంభమయ్యే ఐపీఎల్ 2025 సీజన్‌లో లక్నో సూపర్ జెయింట్స్ జట్టుకు కెప్టెన్‌గా వ్యవహరించబోతున్నాడు.

రిషభ్ పంత్‌కు లభించిన కాంట్రాక్ట్ అమౌంట్ వాల్యూ రూ. 27 కోట్లు అయినప్పటికీ, అతను చేతికి వచ్చే మొత్తం కొద్దిగా తక్కువ. భారత ప్రభుత్వం అతని నుండి రూ. 8.1 కోట్లు పన్నుగా తీసుకుంటుంది. అంటే, పన్నులు కట్టిన తర్వాత పంత్‌కు ప్రతి సీజన్‌కు రూ. 18.9 కోట్లు మిగులుతాయి. ఈ అమౌంట్ కూడా చాలా ఎక్కువే అని చెప్పుకోవచ్చు. అతను తన టాలెంట్ కారణంగానే ఈ రేంజ్ కి చేరుకున్నాడు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

praveen

27/11/2024 03:17 PM