ఆయన ఆలోచనకు అందరూ అంగీకరించడంతో 2008లో ఇండియన్ ప్రీమియర్ లీగ్ (IPL) అనే పేరుతో ఒక కొత్త క్రికెట్ టోర్నమెంట్ మొదలైంది. ఈ టోర్నమెంట్‌కు ప్రేక్షకులు ఎంతగా ఆకర్షితులయ్యారంటే, అప్పటి టీ20 ప్రపంచ కప్‌లో యువరాజ్ సింగ్ ఒక ఓవర్‌లో ఆరు సిక్సర్లు కొట్టిన సంఘటన కూడా ఈ లీగ్‌కు మరింత పాపులారిటీ తెచ్చిపెట్టింది. నిజానికి యువరాజు వీరబాదుడిని చూసే ఇలాంటి షార్ట్ ఫార్మాట్ క్రికెట్ ప్రారంభించాలని లలిత్ మోదీ భావించినట్లుగా చాలామంది చెబుతారు.
IPL అనేది కేవలం ఒక క్రికెట్ టోర్నమెంట్ మాత్రమే కాదు, ఇది ఒక క్రికెట్ రంగంలో ఒక కొత్త అధ్యాయాన్ని ప్రారంభించింది. ఈ టోర్నమెంట్‌లో ప్రపంచవ్యాప్తంగా ఉన్న ప్రముఖ క్రికెట్ ఆటగాళ్లు, భారతీయ క్రికెట్ జట్టులో ఆడే ఆటగాళ్లు ఒకే వేదికపై కలిసి ఆడతారు. ఈ టోర్నమెంట్‌లో ఆడే జట్లను కార్పొరేట్ సంస్థలు లేదా సెలబ్రిటీలు కొనుగోలు చేస్తారు. అంటే, ఈ జట్లు ఒక నగరాన్ని ప్రతినిధించేలా ఉంటాయి. ఉదాహరణకు, ముంబై ఇండియన్స్, చెన్నై సూపర్ కింగ్స్ లాంటివి.
మొదటి IPL సీజన్‌లో ఎనిమిది జట్లు పాల్గొన్నాయి. ఈ జట్లు అన్నీ ఒకదానితో ఒకటి ఆడే విధంగా మ్యాచ్‌లు నిర్వహించారు. అనంతరం, ప్లేఆఫ్ మ్యాచ్‌లు జరిగాయి. అంతేకాకుండా, ఈ టోర్నమెంట్‌లో ఆటగాళ్ల వేలం విధానం కూడా ప్రవేశపెట్టారు. దీని వల్ల ప్రతి జట్టుకు ఆటగాళ్లను ఎంచుకునే సమాన అవకాశం లభించింది. మొదటి సీజన్‌ను ప్రముఖ ఆస్ట్రేలియన్ స్పిన్నర్ షేన్ వార్న్ నాయకత్వంలోని రాజస్థాన్ రాయల్స్ జట్టు గెలుచుకుంది. అలా ప్రారంభమైన ఐపీఎల్ ఇప్పటికీ దిగ్విజయంగా కొనసాగుతోంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి