ఇకపోతే ఇటీవల జస్ప్రీత్ బుమ్రాపై పాకిస్థాన్ దిగ్గజ బౌలర్ వసీమ్ అక్రమ్ స్వయంగా ప్రశంసల జల్లు కురిపించిన సంగతి విదితమే. ఈ తరం అత్యుత్తమ బౌలర్ బుమ్రా అని కొనియాడిన వసీమ్ అక్రమ్.. తన ఫేవరేట్ పేసర్ అని కూడా చెప్పుకు రావడం నిజంగా విశేషం. తాజాగా ఓ యూట్యూబ్ చానెల్‌కు ఇచ్చిన ఇంటర్వ్యూలో వసీం అక్రమ్ ఆసక్తికర విషయాలు పంచుకున్నాడు. ఈ తరుణంలో ఆస్ట్రేలియా మాజీ ప్రధాన కోచ్ జస్టిన్ లాంగర్ జస్ప్రీత్ బుమ్రాని తాజాగా ఆకాశానికెత్తేయడంతో బుమ్రా అభిమానులు సంబరాలు చేసుకుంటున్నారు.
ఇలా ఒకవైపు బుమ్రాపైన ప్రశంసల జల్లు కురుస్తుంటే, మరోవైపు గబ్బాలో ఆసీస్‌, భారత్‌ మధ్య బోర్డర్- గవాస్కర్ ట్రోఫీ మూడో టెస్టు జరుగుతున్న సందర్భంగా మ్యాచ్‌లో రెండో రోజు కామెంటేటర్‌ ఇసా గుహా, లైవ్‌లో చేసిన కామెంట్స్ వివాదాస్పదమయ్యాయి. బెస్ట్ కామెంటేటర్లలో ఒకడైనటువంటి ఈ మాజీ ఇంగ్లాండ్ ఉమెన్ క్రికెటర్, భారత స్టార్ పేసర్ జస్ప్రీత్ బుమ్రా పర్ఫార్మెన్స్‌ గురించి చెబుతూ మోస్ట్‌ వ్యాలుబుల్‌ ప్రైమేట్ అని అభివర్ణించాడు. అతగాడు బుమ్రాను అభినందిస్తూ ఈ కామెంట్స్ చేసినప్పటికీ.. ఇలా మాట్లాడటాన్ని అభిమానులు, ఇతర కామెంటేటర్లు తీవ్రంగా తప్పుబట్టారు. జాత్యహంకార వ్యక్తీకరణలు ఉన్న ఈ పదాన్ని వినియోగించడం పెద్ద దుమారమే రేపింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి