క్రికెట్.. ఒక సస్పెన్షన్ థ్రిల్లర్ లాంటి సినిమాని తలపిస్తుంటుంది! ఈ ఆటలో క్షణాల్లో ఊహించని ట్విస్టులు జరుగుతుంటాయి. పట్టుకున్న క్యాచ్‌ను జారవిడుచుకోవడం, సునాయాసంగా గెలవాల్సిన మ్యాచ్‌లో ఓడిపోవడం మనం చూస్తూనే ఉంటాం. కానీ, సూపర్ స్మాషర్స్ టోర్నమెంట్‌లో జరిగిన ఒక ఘటన మాత్రం క్రికెట్ చరిత్రలోనే ఒక విచిత్రమైన ఘటనగా నిలిచిపోయింది. ముంబై ఇండియన్స్ తమ అధికారిక సోషల్ మీడియా ఖాతాలో షేర్ చేసిన వీడియో ఇప్పుడు నెట్టింట వైరల్ అవుతోంది. హైదరాబాద్‌లో జరిగిన మ్యాచ్‌లో ఒక బౌలర్ వేసిన బంతిని బ్యాట్స్‌మెన్ గాల్లోకి లేపాడు. సాధారణంగా ఇలాంటి బంతులు క్యాచ్ అవుతాయి. బౌలర్ కూడా సునాయాసంగా క్యాచ్ పట్టేందుకు ప్రయత్నించాడు. కానీ, ఊహించని విధంగా బంతి అతని చేతిలో నుంచి జారిపోయింది. అప్పటివరకు అంతా సాధారణంగానే ఉంది. కానీ, ఆ తర్వాత జరిగిన సీన్ మాత్రం అందరినీ ఆశ్చర్యానికి గురిచేసింది.

జారిపోయిన బంతి బౌలర్ చేతికి తగిలి నేరుగా నాన్-స్ట్రైకర్ ఎండ్‌లోని వికెట్లను తాకింది. క్రీజ్‌కు కొద్ది దూరంగా ఉన్న బ్యాట్స్‌మెన్ రనౌట్ అయ్యాడు. క్యాచ్ తప్పించుకున్నానని ఊపిరి పీల్చుకున్న బ్యాట్స్‌మెన్‌కు క్షణాల్లోనే షాక్ తగిలింది. అప్పటివరకు హీరో అనుకున్న బ్యాట్స్‌మెన్ ఒక్కసారిగా జీరో అయ్యాడు. ఈ విచిత్రమైన రనౌట్‌తో స్టేడియం మొత్తం ఒక్కసారిగా నవ్వులతో హోరెత్తింది. అంతేకాదు ఆ పోలార్ కూడా ఎంతో ఆశ్చర్యపోయాడు. జార విడిచిన బంతే బ్యాటర్ ను ఔట్ చేసిందని తెలిసి అతను చాలా సంతోషించాడు. బౌలర్ ఎంత హ్యాపీగా ఫీల్ అవుతున్నాడో, ఈ ఔట్ ను ఎంత బాగా సెలబ్రేట్ చేసుకుంటున్నాడు వైరల్ వీడియోలో చూడవచ్చు.

ఈ వీడియో సోషల్ మీడియాలో వైరల్ కావడంతో నెటిజన్లు ఫన్నీ కామెంట్లతో హోరెత్తించారు. "తలా 7 ఫర్ ఏ రీజన్" అంటూ ఒక యూజర్ చేసిన కామెంట్ తెగ వైరల్ అయింది. అంటే, ఆ బౌలర్ 7 నంబర్ ఉన్న జెర్సీ ధరించాడు. అది ధోనీ వేసుకునే జెర్సీ. అతను కూడా ఇలాగే ఎవరూ ఊహించని విధంగా బ్యాటర్లను రన్ అవుట్ చేస్తాడు. అందుకే ధోనితో పోల్చి మరీ ఇతన్ని పొగిడేస్తున్నారు. ఈ విచిత్రమైన రనౌట్‌ను కొందరు "క్రికెట్ చరిత్రలోనే బెస్ట్ రనౌట్" అని అభివర్ణించారు. ఏది ఏమైనా, ఈ ఘటన క్రికెట్‌లో అదృష్టం, దురదృష్టం ఎలా మారుతుంటాయో చెప్పకనే చెబుతోంది. క్రికెట్ ఎప్పుడూ ఊహించని ట్విస్టులతో నిండి ఉంటుందని మరోసారి రుజువైంది.


మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

viral

praveen

21/12/2024 06:37 PM