ఈ క్రమంలోనే ఐసీసీని గ‌డువు పొడిగించాల‌ని బీసీసీఐ అభ్య‌ర్థించిన్న‌ట్లు విశ్వసనీయ వర్గాల సమాచారం. దీంతో ఛాంపియన్స్ ట్రోఫీ జట్టు ప్రకటన ఆలస్యం కావచ్చనే ఊహాగానాలు మీడియాలో మొదలయ్యాయి. ఈ నెల 18 లేదా 19న జట్టు ప్రకటన ఉంటుందని ప్రచారంలో ఉండగా ఇంకా దానిపై ఓ స్పష్టత రావాల్సి ఉంది. ఇక ఇంగ్లండ్ తో స్వ‌దేశంలో వైట్-బాల్ సిరీస్ కోసం ఇవాళ లేదా రేపు జట్టు ప్రకటన ఉండే అవ‌కాశం ఉంది. ముందుగా ఈ నెల 22 నుంచి ప్రారంభం కానున్న టీ20 సిరీస్ కోసం అజిత్ అగార్కర్ నేతృత్వంలోని సెల‌క్ష‌న్ క‌మిటీ జ‌ట్టును ప్ర‌క‌టించ‌నుందనే విషయం అందరికీ తెలిసిందే.
సూర్య‌కుమార్ యాద‌వ్ కెప్టెన్సీలో భార‌త జట్టు ఇంగ్లండ్‌తో త‌ల‌ప‌డ‌నుంది. ఈ క్రమంలో మొత్తంగా 5 టీ20లు మ్యాచెస్ ఆడ‌నుంది. త‌ర్వాత 3 వ‌న్డేలు ఆడ‌నుంది. ఛాంపియన్స్ ట్రోఫీ నేప‌థ్యంలో 50 ఓవర్ల ఫార్మాట్‌లో విరాట్ కోహ్లీ, రోహిత్ శర్మ వంటి వారిని ఎంపిక చేయడానికి సిద్ధంగా ఉన్నట్లు గుసగుసలు వినిపిస్తున్నాయి. పాకిస్థాన్ వేదిక‌గా ఈ మెగా టోర్నీ జ‌ర‌గ‌నుండ‌గా, టీమ్ఇండియా ఆడే మ్యాచుల‌ను దుబాయ్ వేదిక‌గా నిర్వ‌హించ‌నున్నారు. దాదాపుగా అన్ని జ‌ట్లు ఛాంపియన్స్ ట్రోఫీలో పాల్గొనే స్వ్కాడ్‌ల‌ను ప్ర‌క‌టించాయి. ప్రస్తుతం అందుతున్న సమాచారం ప్ర‌కారం... ఈ మెగా టోర్నీకి జ‌ట్టును ప్ర‌క‌టించేందుకు ఐసీసీ జనవరి 12 వ‌ర‌కు గ‌డువు ఇచ్చింది. ఈ క్రమంలో ఛాంపియన్స్ ట్రోఫీలోనూ టీమ్ఇండియా గెల‌వాల‌ని భార‌త అభిమానులు కోరుకుంటున్నారు.
ఛాంపియన్స్ ట్రోఫీలో భార‌త షెడ్యూల్:
భార‌త్ వ‌ర్సెస్ బంగ్లాదేశ్‌ - ఫిబ్ర‌వ‌రి 20
భార‌త్ వ‌ర్సెస్ పాకిస్థాన్ - ఫిబ్ర‌వ‌రి 23
భార‌త్ వ‌ర్సెస్ న్యూజిలాండ్‌ - మార్చి 2
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి