తాజా మ్యాచ్‌లో డీకే 15 బంతుల్లో 2 భారీ సిక్సర్ల సాయంతో 21 పరుగులు చేసి మూడు పరుగుల వ్యక్తిగత స్కోర్‌ వద్ద ధోని రికార్డును బద్దలు కొట్టడం జరిగింది. 39 ఏళ్ల దినేశ్‌ కార్తీక్‌ పొట్టి ఫార్మాట్‌లో 26.99 సగటున, 136.84 స్ట్రయిక్‌రేట్‌తో 34 హాఫ్‌ సెంచరీల సాయంతో 7451 పరుగులు చేయడం జరిగింది. ఇందులో 718 బౌండరీలు, 258 సిక్సర్లు ఉన్నాయి. ధోని సంగతి చూస్తే... ఈ మాజీ సీఎస్‌కే కెప్టెన్‌ తన టీ20 కెరీర్‌లో 38.11 సగటున, 135.64 స్ట్రయిక్‌రేట్‌తో 28 హాఫ్‌ సెంచరీల సాయంతో 7432 పరుగులు చేయడం జరిగింది. ఇందులో 517 ఫోర్లు, 338 సిక్సర్లు ఉన్నాయి. 43 ఏళ్ల ధోనికి కార్తీక్‌ రికార్డును తిరిగి అధిగమించేందుకు మరో అవకాశం కూడా లేకపోలేదు అంటున్నారు విశ్లేషకులు.
అంతర్జాతీయ క్రికెట్‌కు రిటైర్మెంట్ ప్రకటించిన ధోని ఐపీఎల్‌లో కొనసాగుతున్నాడు. దాంతో తదుపరి ఐపీఎల్‌ సీజన్‌లో ధోని మరిన్ని పరుగులు చేస్తే, డీకే రికార్డు ఖతం. కాగా, సౌతాఫ్రికా టీ20 లీగ్‌ రెండో ఎడిషన్‌లో డీకేకు పెద్దగా బ్యాటింగ్‌ చేసే అవకాశాలు పెద్దగా రాలేదనే చెప్పుకోవాలి. ఈ సీజన్‌లో అతను 8 ఇన్నింగ్స్‌ల్లో 5 సార్లు మాత్రమే బ్యాటింగ్‌కు దిగాడు. ఈ 5 ఇన్నింగ్స్‌ల్లో కూడా నిన్న జరిగిన మ్యాచ్‌లో చేసిన స్కోరే అత్యధికం. ఈ సీజన్‌లో ఆ జట్టు ఇప్పటివరకు ఆడిన 8 మ్యాచ్‌ల్లో ఏడింట విజయాలు సాధించి, పాయింట్ల పట్టికలో అగ్రస్థానంలో కొనసాగుతుంది. నిన్నటి మ్యాచ్‌ విషయానికొస్తే.. డర్బన్‌ సూపర్ జెయింట్స్‌పై పార్ల్‌ రాయల్స్‌ 6 వికెట్ల తేడాతో గెలుపొందింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి