ఇక తాజాగా ఐసీసీ టీ20 ర్యాంకింగ్స్ ప్రకటించడం జరిగింది. ఇందులో ఆస్ట్రేలియా స్టార్ ఓపెనర్ "ట్రావిస్ హెడ్" ఫస్ట్ ప్లేస్‌లో నిలవడం అందరికీ ఆశ్చర్య పరిచింది. 855 పాయింట్లతో అతడు తొలి స్థానంలో కొనసాగుతూ ఉండగా... టీమిండియా విధ్వంసక ఓపెనర్ అభిషేక్ శర్మ ఈ లిస్ట్‌లో 2వ స్థానాన్ని దక్కించుకోవడం కొసమెరుపు. 829 రేటింగ్ పాయింట్లతో హెడ్ తర్వాతి పొజిషన్‌ చేజిక్కించుకున్నాడు అభిషేక్. ఇంతకు మునుపు 40వ స్థానంలో ఉన్న అభిషేక్.. ఇంగ్లండ్‌ సిరీస్‌లో ఇరగదీసి ఆడడంతో ఏకంగా 38 స్థానాలు మెరుగుపర్చుకొని టాప్ - 2కి చేరుకోవడం అంటే సాధారణమైన విషయం కాదు!
ఇక అతడి తర్వాతి స్థానం విషయానికొస్తే... హైదరాబాదీ తిలక్ వర్మ 803 పాయింట్లుతో 3వ స్థానంలో కొనసాగుతున్నాడు. సూర్య కుమార్ యాదవ్ విషయానికొస్తే... (738) 5వ స్థానంలో ఉండడం గమనార్హం. ఇక ఈ లిస్టు ప్రకటించగానే.. నెటిజన్స్ సన్‌రైజర్స్ హైదరాబాద్ ఇద్దరు ఓపెనర్లు తొలి 2 స్థానాల్లో ఉన్నారని.. ఐపీల్ టీమ్ సన్ రైజర్స్ అభిమానులు అయితే సంబరాలు చేసుకుంటున్నారు. ఈ క్రమంలోనే ఇక ఐపీఎల్ - 2025లో ఒక్కో టీమ్‌కు దబిడిదిబిడేనని సోషల్ మీడియాలో కామెంట్స్ చేస్తుండడం విశేషం. ఇక మీకు ఏమనిపిస్తుందో కింద కామెంట్ చేయండి!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి