ఫైనల్‌కి ఎలా వచ్చారంటే.. టీమ్ ఇండియా సెమీఫైనల్‌లో ఆస్ట్రేలియాని చిత్తు చేసింది. దుబాయ్‌లో జరిగిన మ్యాచ్‌లో ఆసీస్‌ని నాలుగు వికెట్ల తేడాతో ఓడించి ఫైనల్ బెర్త్ కన్ఫర్మ్ చేసుకుంది. ఇక న్యూజిలాండ్ విషయానికొస్తే, వాళ్లు లాహోర్‌లో సౌతాఫ్రికాని ఓడించి మరీ ఫైనల్‌కి దూసుకొచ్చారు.
ఫైనల్‌కి ముందు గ్రూప్ స్టేజ్‌లో ఈ రెండు జట్లు తలపడ్డాయి. అప్పుడు మాత్రం న్యూజిలాండ్‌కి చుక్కలు చూపించాం. వాళ్లని 205 పరుగులకే కట్టడి చేసి, 249 పరుగుల టార్గెట్‌ని ఈజీగా ఛేజ్ చేశాం. స్పిన్నర్ వరుణ్ చక్రవర్తి అయితే ఏకంగా ఐదు వికెట్లు పడగొట్టాడు. బ్యాటింగ్‌లో శ్రేయస్ అయ్యర్ 79 రన్స్‌తో దుమ్ము దులిపాడు. కానీ ఫైనల్ అంటే వేరు.
ఇండియా, న్యూజిలాండ్ ఐసీసీ ఫైనల్స్‌లో ఇది కొత్త కాదు. ఇంతకుముందు రెండుసార్లు ఫైనల్స్‌లో తలపడ్డాయి. 2000 ఐసీసీ నాకౌట్ ట్రోఫీ ఫైనల్: ఇందులో న్యూజిలాండ్ గెలిచింది. క్రిస్ కెయిన్స్ సెంచరీతో మ్యాచ్‌ని లాగేసుకున్నాడు. 2021 ఐసీసీ వరల్డ్ టెస్ట్ ఛాంపియన్‌షిప్ ఫైనల్: ఇందులో కూడా న్యూజిలాండే గెలిచింది. ఎనిమిది వికెట్ల తేడాతో మనల్ని ఓడించింది.
చూస్తుంటే ఐసీసీ ఫైనల్స్‌లో న్యూజిలాండ్ మనల్ని బాగానే ఆడుకుంటోంది అనిపిస్తుంది కదా? అందుకే ఈసారి ఎలాగైనా వాళ్లకి బుద్ధి చెప్పాలి. 2000 సంవత్సరం తర్వాత న్యూజిలాండ్ ఒక్క వైట్-బాల్ ఐసీసీ టైటిల్ కూడా గెలవలేదు. 2015, 2019 వరల్డ్ కప్ ఫైనల్స్‌లో ఓడిపోయింది. మరి ఈసారైనా గెలుస్తుందా? లేక మనమే గెలిచి ప్రతీకారం తీర్చుకుంటామా?
సౌతాఫ్రికాతో జరిగిన సెమీఫైనల్‌లో న్యూజిలాండ్ బ్యాటింగ్, బౌలింగ్ రెండిట్లోనూ అదరగొట్టింది. రచిన్ రవీంద్ర, కేన్ విలియమ్సన్ సెంచరీలతో చెలరేగిపోయారు. భారీ స్కోర్ కొట్టారు. ఇక స్పిన్నర్ మిచెల్ శాంట్నర్ అయితే సౌతాఫ్రికా బ్యాటర్లని ఊపిరి తీసుకోనివ్వలేదు. డేవిడ్ మిల్లర్ సెంచరీ చేసినా వాళ్లని ఓటమి నుంచి తప్పించలేకపోయాడు. సౌతాఫ్రికా 50 పరుగుల తేడాతో ఓడిపోయింది.
రోహిత్ శర్మ కెప్టెన్సీలో టీమ్ ఇండియా ఈసారి న్యూజిలాండ్ ఫైనల్స్‌లో చూపిస్తున్న ఆధిపత్యాన్ని ఎలాగైనా బ్రేక్ చేయాలని చూస్తోంది. న్యూజిలాండ్ మాత్రం 25 ఏళ్లుగా ఎదురుచూస్తున్న వైట్-బాల్ టైటిల్‌ని కొట్టాలని పట్టుదలగా ఉంది. దుబాయ్ వేదికగా ఆదివారం జరగబోయే ఈ మ్యాచ్‌లో ఏం జరుగుతుందో చూడాలి. ప్రతీకారమా? పట్టాభిషేకంమా?? వేచి చూడాల్సిందే.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి