ఈసారి రాహుల్ కొత్త రోల్‌లో కనిపించనున్నాడు. ఎప్పటిలా ఓపెనర్‌గా కాకుండా, నెం. 4 స్థానంలో బ్యాటింగ్‌కు దిగే అవకాశం ఉంది. గత మ్యాచ్‌లో లక్నో సూపర్ జెయింట్స్ (LSG)తో జరిగిన మ్యాచ్‌లో పెద్దగా రాణించని సమీర్ రిజ్వి స్థానంలో రాహుల్ బరిలోకి దిగొచ్చు. రాహుల్ రాకతో ఢిల్లీ మిడిల్ ఆర్డర్‌కు మరింత స్థిరత్వం వస్తుందని అంచనా. మరోవైపు, LSG మ్యాచ్‌లో గాయపడ్డట్టు కనిపించిన ముఖేష్ కుమార్ ఆడటంపై అనుమానాలున్నాయి. ఒకవేళ అతను ఆడకపోతే, అతని స్థానంలో T. నటరాజన్ జట్టులోకి వచ్చే అవకాశం ఉంది.
గత మ్యాచ్‌లో బ్యాటింగ్ వైఫల్యం చవిచూసినా, సన్‌రైజర్స్ హైదరాబాద్ (SRH) అదే జట్టుతో బరిలోకి దిగే అవకాశం కనిపిస్తోంది. కెప్టెన్ పాట్ కమిన్స్, మహమ్మద్ షమీ లాంటి స్టార్ బౌలర్లు ఉన్నా, వారి బౌలింగ్ విభాగం గత మ్యాచ్‌లో పెద్దగా ఆకట్టుకోలేకపోయింది. ఇది జట్టుకు కాస్త ఆందోళన కలిగించే విషయమే.
DC టీమ్ నుంచి: ఫాఫ్ డు ప్లెసిస్, అక్షర్ పటేల్ మంచి ఛాయిస్. వీరు మ్యాచ్ మొత్తం ఆటలో ప్రభావం చూపగలరు. LSGపై అద్భుతంగా మ్యాచ్ ముగించిన అశుతోష్ శర్మ కూడా నమ్మదగిన ఆటగాడు. SRHపైనా, ముఖ్యంగా ట్రావిస్ హెడ్‌పైనా మంచి రికార్డున్న మిచెల్ స్టార్క్‌ను తీసుకోవడం సేఫ్. బ్యాటింగ్, బౌలింగ్‌తో రాణించగల ట్రిస్టన్ స్టబ్స్ మరో మంచి ఎంపిక.
SRH టీమ్ నుంచి: ట్రావిస్ హెడ్, అభిషేక్ శర్మ, ఇషాన్ కిషన్, హెన్రిచ్ క్లాసెన్ నమ్మదగిన ఆటగాళ్లు. వైజాగ్ పిచ్‌పై అవగాహన ఉన్న నితీష్ కుమార్ రెడ్డి బ్యాట్, బాల్‌తో పాయింట్లు తెచ్చిపెట్టగలడు.
లక్నో సూపర్ జెయింట్స్ (LSG)పై విజయం సాధించిన ఉత్సాహంతో DC ఈ మ్యాచ్‌లోకి అడుగుపెడుతోంది. ఆ మ్యాచ్‌లో ఒక దశలో 65 పరుగులకే 5 వికెట్లు కోల్పోయి కష్టాల్లో పడినా, అశుతోష్ శర్మ, విప్రాజ్ నిగమ్‌ల పోరాట పటిమతో DC గట్టెక్కింది. మరోవైపు, SRH గత మ్యాచ్‌లో LSG బౌలింగ్‌కు బ్యాటింగ్ ఆర్డర్ కుప్పకూలింది, వారి బౌలర్లు కూడా తేలిపోయారు. DCని, ముఖ్యంగా స్టార్క్ లాంటి బౌలర్ల దాడిని ఎదుర్కోవాలంటే, SRH అన్ని విభాగాల్లోనూ మెరుగైన ప్రదర్శన చేయాల్సిందే. చూద్దాం.. ఈ పోరులో పైచేయి ఎవరిదో.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి