నిజానికి తిలక్ వర్మ లాస్ట్ మ్యాచ్‌లో అదరగొట్టాడు. ఒక్కో బంతికి పరుగులే పరుగులూ అన్నట్టు ఆడాడు. కానీ, చివరకు ఏమైంది? ముంబై ఓడిపోయింది. ఇలా జరగడం కొత్తేం కాదులెండి. గతంలో కూడా తిలక్ హాఫ్ సెంచరీ చేస్తే, ముంబై ఓడిపోయిన సందర్భాలు చాలానే ఉన్నాయి.
ఇప్పటివరకు తిలక్ ఏడు సార్లు హాఫ్ సెంచరీలు బాదితే, ఒక్కసారి కూడా ముంబై గెలవలేదంట. అందులో ఆర్సీబీ, రాజస్థాన్ రాయల్స్‌పైనే రెండేసి సార్లు ఓడిపోవడం విశేషం. అంటే ఈ రెండు టీమ్స్‌కి తిలక్ హాఫ్ సెంచరీ కొడితే, ముంబైకి ఇక అంతే సంగతులు అన్నమాట. నిన్న ఆర్సీబీతో మ్యాచ్‌లో కూడా సేమ్ సీన్ రిపీట్ అయింది. తిలక్ హాఫ్ సెంచరీ (56 పరుగులు) కొట్టాడు, కానీ ముంబై మాత్రం 12 పరుగుల తేడాతో మూడింది.
నిజానికి నిన్న మ్యాచ్‌లో తిలక్ వర్మ దుమ్ము దులిపాడు. టీమ్ కష్టాల్లో ఉన్నప్పుడు వచ్చి నిలబడ్డాడు. బౌండరీలు, సిక్సర్లతో స్టేడియం దద్దరిల్లేలా చేశాడు. హార్దిక్ పాండ్యాతో కలిసి ఇన్నింగ్స్‌ను చక్కదిద్దాడు. అయినా ఫలితం మాత్రం శూన్యం. భారీ లక్ష్యాన్ని ఛేదించే క్రమంలో తిలక్ ఒక్కడే పోరాడాడు. మిగతా బ్యాటర్లు సపోర్ట్ ఇవ్వలేకపోయారు. చివరికి తిలక్ ఔట్ అవ్వడంతో ముంబై ఆశలు ఆవిరయ్యాయి.
అంతకుముందు కోహ్లీ, పటిదార్ చెలరేగిపోయి హాఫ్ సెంచరీలు కొట్టడంతో ఆర్సీబీ భారీ స్కోరు చేసింది. దీంతో ముంబై బ్యాటర్లపై ఒత్తిడి పెరిగింది. అయినా తిలక్ మాత్రం తన మార్క్ చూపించాడు. కానీ, క్రికెట్‌లో ఒక్కడితోనే గెలవలేం కదా. టీమ్ మొత్తం కలిసి ఆడితేనే రిజల్ట్ వస్తుంది.
మొత్తానికి తిలక్ వర్మ హాఫ్ సెంచరీ చేస్తే ముంబైకి ఓటమి తప్పదా?, ఇదేం విచిత్రమో కానీ, ముంబై ఫ్యాన్స్‌కి మాత్రం ఇది మింగుడు పడని నిజం. మరి చూడాలి, ఈ సెంటిమెంట్ అయినా ముంబై టీమ్ బ్రేక్ చేస్తుందో లేదో.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి