వెండితెర నటులకు సమానంగా బుల్లితెర నటులు కూడా సమానంగా ప్రేక్షకాదరణ పొందడంతో కొత్త కొత్త సీరియల్స్ ప్రసారమవుతున్నాయి. ఇక జీ తెలుగులో వస్తున్న కొత్త సీరియల్స్ లోనే భాగంగానే "ఊహలు గుసగుసలాడే" సీరియల్ ఇటీవల స్టార్ట్ అయ్యింది. ఈ సీరియల్ ప్రస్తుతం ప్రేక్షకాదరణ బాగానే అందుకుంటోంది. ఇందులో హీరోగా అభిరాం రోల్ లో నటిస్తున్న " అకుల్ బాలాజీ " 1979 ఫిబ్రవరి 23న ఆంధ్ర ప్రదేశ్ లోని కోడూరు లో భాస్కరరావు, సరళాదేవి లకు జన్మించాడు.
అతని స్కూల్ చదువులు పూర్తిగా అక్కడే పూర్తి చేశాడు. ఆ తరువాత గ్రాడ్యుయేషన్ కూడా పూర్తి చేసుకున్న అకుల్ బాలాజీ పదహారేళ్ళ వయసులోనే బెంగళూరుకి షిఫ్ట్ అయ్యాడు. అక్కడ భరతనాట్యం, కథక్ నృత్యాలు నేర్చుకున్నాడు. ఇవన్నీ నేర్చుకోవడంతో పాటు చాలా షోలకు హోస్ట్ గా చేశాడు.
జీ తెలుగులో 2012లో పెళ్లినాటి ప్రమాణాలు సీరియల్ తో నటుడిగా తెలుగు తెరకు ఎంట్రీ ఇచ్చాడు. అంతే కాకుండా అతను ఎన్నో సినిమాలలో నటించాడు. అటు కన్నడ, ఇటు తెలుగు షోలకి హోస్ట్ గా కూడా చేస్తూ తన కెరియర్ ను మలుపు తిప్పుకున్నాడు."కామెడీ కిలాడి" షో వంటి రియాల్టీ షోకి కూడా హోస్ట్ గా చేశాడు. ఇటీవల కన్నడలో "తకధిమిత" డాన్స్ షోకి హోస్ట్ గా కూడా చేశాడు.
అంతేకాకుండా జీ తెలుగులో "సై అంటే సై" షో కి కూడా హోస్ట్ గా చేశాడు. అలాగే మాటీవీలో దేశముదుర్లు షోకు హోస్ట్ గా చేశాడు. అంతేకాకుండా మోస్ట్ పాపులర్ యాంకర్ అవార్డు కూడా అందుకున్నాడు. ఇతను కన్నడలో ప్రసారమయ్యే ఈటీవీ లో గుప్తగామిని, ఆగద సీరియల్స్ లో చేశాడు. కన్నడ "బిగ్ బాస్ సీజన్ 2"లో పాల్గొని విన్నర్ గా నిలిచాడు. నేరము శిక్ష అని మూవీ లో తెలుగు ఆడియన్స్ కి పరిచయమయ్యాడు బాలాజీ. అంతేకాకుండా నటించిన ఇంకా మూడు సినిమాలు రిలీజ్ కావాల్సి ఉంది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి