ఇకపోతే ఈ రోజు ఈయన రియల్ లైఫ్ స్టోరీ గురించి.. అలాగే వసంత్ గురించి మీకు తెలియని మరికొన్ని విషయాలను మనం ఒకసారి చదివి తెలుసుకుందాం. వసంత్ అసలు పేరు ప్రణయ్ హనుమాండ్ల. డిసెంబర్ 4వ తేదీన ప్రణయ్ హనుమకొండలో జన్మించారు. ప్రణయ్ మన తెలుగు అబ్బాయి.. ఇక అందరూ ఈయనను చింటూ అని పిలుస్తూ ఉంటారు. ప్రణయ్ చదువు విషయానికి వస్తే.. వరంగల్ లోని గణపతి ఇంజనీరింగ్ కళాశాలలో బిటెక్ కంప్లీట్ చేశారు. బుల్లితెరపై అడుగు పెట్టక ముందు ప్రణయ్ ఎన్నో సినిమాలలో క్యారెక్టర్ ఆర్టిస్టు పాత్రలు పోషించారు.
అన్నదాత సుఖీభవ అనే సినిమాతో వెండితెరకు పరిచయమయ్యాడు ప్రణయ్. ఆ తరువాత సీరియల్స్ లో నటించే అవకాశం రావడంతో వెండితెర నుంచి బుల్లితెర కి రావడం జరిగింది. ఈటీవీలో ప్రసారమైన ఆడదే ఆధారం అనే సీరియల్ ద్వారా బుల్లితెర కు పరిచయమయ్యారు ప్రణయ్. ఆ తర్వాత మహాలక్ష్మి, ప్రతిఘటన, ఋతుగీతం , రామ సక్కని సీత, చదరంగం, అభిషేకం , తూర్పు పడమర వంటి సీరియల్స్ లో నటించి ప్రేక్షకులను మెప్పించాడు.
ముఖ్యంగా అభిషేకం సీరియల్ ద్వారా ప్రణయ్ కి మంచి పేరు వచ్చిందని చెప్పవచ్చు. నటుడిగా మంచి గుర్తింపు తెచ్చుకున్న ప్రణయ్ ఆ తర్వాత మనోవాంఛా ఫల సిద్ధిరస్తు అనే సినిమాలో హీరోగా నటించాడు ప్రణయ్. వ్యక్తిగత విషయానికొస్తే ఈయనకు వివాహం అయింది. వీరికి ఒక పాప కూడా ఉంది.. ప్రస్తుతం ప్రణయ్ ఎన్నెన్నో జన్మల బంధం అనే సీరియల్లో నటిస్తున్నాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి