![](https://www.indiaherald.com/cdn-cgi/image/width=750/imagestore/images/tv/122/bigg-boss-season-6-telugud148879b-14b2-4674-9939-73f856e298d0-415x250.jpg)
ఇక ఈ రోజు గత సీజన్ ల మాదిరిగానే ఎలిమినేషన్ కు నామినేషన్ జరగనుంది. ప్రస్తుతం బిగ్ బాస్ అభిమానుల దృష్టి ఈ రోజు ఎపిసోడ్ మీద ఉంది. గత వారం ఎలిమినేషన్ నుండి నామినేట్ అయిన వారికి ఈ వారం ఖచ్చితంగా వెన్నులో వణుకు పుడుతూ ఉంటుంది. అంతే కాకుండా వారిపై మరింత బాధ్యత ఉంటుంది.. గత వారంలో ఇంట్లో చేసిన పొరపాట్ల నుండి మారి తాము ఏమిటో నిరూపించుకోవాల్సిన అవసరం ఎంతైనా ఉంది. కాగా బిగ్ బాస్ ఈ రోజు నామినేషన్ గురించి ఒక ప్రోమో విడుదల చేసిన సంగతి తెలిసిందే. అందులో ముఖ్యంగా రేవంత్ మరియు కీర్తి భట్ లు, ఆదిరెడ్డి మరియు ఆరోహి ల మధ్యన మాటల యుద్ధం జరిగినట్లు తెలుస్తోంది.
ఈ వారం ఒక్కొక్కరు ఒక్కరిని మాత్రమే నామినేట్ చేసే అవకాశాన్ని బిగ్ బాస్ కల్పించినట్లుగా తెలుస్తోంది. ఆ విధంగా నామినేషన్ ప్రక్రియ జరుగగా... ఈ వారం ఇంటి నుండి బయటకు వెళ్ళడానికి మెరీనా రోహిత్, గలాటా గీతు, రేవంత్, ఆదిరెడ్డి, రాజశేఖర్, అభినయ శ్రీ, పైమా, షానీ సాల్మన్ లు ఉన్నారట. కాగా ఈ వారం మరో ట్విస్ట్ ను కూడా బిగ్ బాస్ ఇవ్వనున్నట్లు వార్తలు అందుతున్నాయి. గత వారం ఎలిమినేషన్ జరగనునందున ఈ వారం హౌస్ నుండి ఇద్దరినీ బయటకు పంపుతారట. మరి నామినేట్ అయిన వారిలో ఏ ఇద్దరు హౌస్ నుండి బయటకు వెళ్లనున్నారో అని అంతా ఆసక్తిగా ఉన్నారు. మరి ఆ వివరాలు తెలియాలంటే ఆదివారం వరకు ఆగాల్సిందే.