నువ్వే కావాలి సినిమాతో ఇండస్ట్రీలోకి వచ్చి మంచి గుర్తింపు తెచ్చుకున్న ఈయన, ఆ తర్వాత లయతో కలిసి ప్రేమించు అనే సినిమాలో సోలో హీరోగా మంచి సక్సెస్ అందుకున్నారు. అలాగే ఎంత బాగుందో, మనసుంటే చాలు వంటి చిత్రాలలో కూడా హీరోగా నటించారు. కొన్ని రోజులు క్యారెక్టర్ ఆర్టిస్ట్ గా కూడా నటించిన సాయికిరణ్ ఇప్పుడు బుల్లితెరపై వరుస సీరియల్స్ చేస్తూ బిజీగా మారిన విషయం తెలిసిందే. ముఖ్యంగా గుప్పెడంత మనసు, పడమటి సంధ్యారాగం, కోయిలమ్మ వంటి సీరియల్స్ ఈయనకు మంచి పేరు తీసుకొచ్చాయి.
ఇదిలా ఉండగా కొన్ని నెలల క్రితమే తనతో పాటు కోయిలమ్మ సీరియల్ లో నటించిన స్రవంతితో నిశ్చితార్థం చేసుకున్న ఈయన ఇప్పుడు పెళ్లి పనులలో బిజీగా మారినట్లు తెలుస్తోంది. గతంలోనే నిశ్చితార్థానికి సంబంధించిన ఫోటోలను కూడా ఇరువురు షేర్ చేసి మళ్లీ పెళ్లి చేసుకుంటున్న విషయాన్ని అందరికీ బహిర్గతం చేశారు. తర్వాత కెరియర్ లో బిజీ అయిన వీరు ఇక త్వరలోనే వివాహం చేసుకోబోతున్నట్లు సమాచారం. ఈ డిసెంబర్ ఆఖరి లేదా మాఘమాసంలో వివాహం చేసుకునే అవకాశాలు ఉన్నాయని సన్నిహిత వర్గాల నుంచి అందుతున్న సమాచారం. ఏది ఏమైనా త్వరలోనే వీరిద్దరూ ఏడడుగులు వేయబోతున్నారు అని తెలిసి, అభిమానులు సైతం సంతోషం వ్యక్తం చేస్తున్నారు. ప్రస్తుతం వీరు షేర్ చేసిన ఫోటోలు వైరల్ గా మారుతున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి