ఇది టెక్నాలజీ యుగం. ఎందుకంటే ప్రతీది మన చేతిదాకా దాకా వచ్చేసింది. ఈ టెక్నాలజీ యుగంలో అద్భుతమైనది ఖచ్చితంగా స్మార్ట్ ఫోన్ అనే చెప్పాలి. స్మార్ట్ ఫోన్ వచ్చాక ప్రపంచం మొత్తం మన ముందే వుంది. అయితే స్మార్ట్ ఫోన్ ఉపయోగించే ప్రతీ ఒక్కరూ కూడా బ్యాక్‌ కవర్‌ను వాడుతుంటారు.మన ఫోన్‌కు ఎలాంటి డ్యామేచ్‌ కాకుండా ఈ కవర్‌ ఉపయోగపడుతుంది. అయితే ఫోన్‌ కలర్‌ కనిపించేందుకు చాలా మంది ట్రాన్స్‌పరేంట్‌ (పారదర్శకం) పౌచ్‌లను ఉపయోగిస్తారు.అయితే కొన్ని రోజుల తర్వాత ఆ పౌచ్‌లు పసుపు కలర్‌లోకి మారిపోతుంటాయి. మనలో చాలా మంది కూడా ఇలాంటి సమస్యను ఎదురుకుంటున్నాము.ఇంతకీ పౌచ్‌ల రంగు ఎందుకు మారుతుంది.? వాటిని ఎలా క్లీన్‌ చేసుకోవాలి? లాంటి వివరాల గురించి ఇప్పుడు తెలుసుకోండి.సాధారణంగా ఈ ట్రాన్స్‌పరేంట్ కవర్‌లను TPU (థర్మో ప్లాస్టిక్‌ పాలీ యురేథిన్‌) మెటీరియల్‌తో తయారు చేస్తారు. కవర్‌ రంగు మారడానికి ప్రధాన కారణం సూర్యుడి నుంచి వచ్చే యూవీ కిరణాలు, వేడి. సూర్యుడి నుంచి కిరణాలకు కవర్‌లోని టీపీయూ కెమికల్స్‌ రియాక్షన్‌ అవుతాయి. దీంతో రంగు మారుతుంది.


అలాగే ఫోన్‌ చార్జింగ్ చేసేప్పుడు లేదా ఫోన్‌ను ఎక్కువగా ఉపయోగిస్తున్నప్పుడు వచ్చే వేడి వల్ల కూడా రంగు మారుతంది. ఇక రంగు మారడానికి మరో కారణం చేతి నుంచి వచ్చే చెమట, ఫోన్‌ నుంచి వచ్చే రేడియేషన్‌ కవర్‌ను ఆక్సిడేషన్‌కు గురి చేస్తుంది. ఈ కారణంగానే ఫోన్‌ కవర్‌ యెల్లో కలర్‌లోకి మారుతుంది.అయితే దీన్ని ఇలా ఈజీగా క్లీన్ చేసుకోవచ్చు.రంగు మారిన కవర్‌ మళ్లీ పాత రంగులోకి మారాలంటే రెండు నుంచి మూడు డ్రాప్స్‌ డిష్‌ వాష్‌ సోప్‌ను వేడి నీటిలో కలపాలి. అనంతరం పాత బ్రష్‌ను తీసుకొని ఫోన్‌ కవర్‌పై రుద్దాలి. అనంతరం నీటితో కడిగితే చాలు మళ్లీ పాత రంగులోకి వచ్చేస్తోంది. ఇక బేకింగ్ సోడాతో కూడా కవర్‌ రంగు మార్చుకోవచ్చు. బేకింగ్ సోడా వేసి కాస్త నీటిని యాడ్‌ చేసి బ్రష్‌తో క్లీన్‌ చేస్తే సరి.. కవర్‌ తళుక్కుమంటుంది.కాబట్టి మీకు ఇలాంటి కవర్ ఉంటే అలాగే ఇలాంటి సమస్య ఉంటే ఇక వెంటనే పైన చెప్పిన టిప్ ఉపయోగించి క్లీన్ చేసుకోండి.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Purushottham Vinay

23/10/2022 08:32 PM