ఒక టెక్ ఎగ్జిక్యూటివ్ రూ.7.5 కోట్ల జీతం కోసం అనునిత్యం శ్రమించడం వలన, ఎట్టకేలకు ఓ కంపెనీ అతనికి రూ.7.5 కోట్ల జీతం ప్రకటిస్తూ నియామకం జారీ చేసింది. కానీ ఆ ఆనందం అతనికి ఎంతోకాలం నిలవలేదు. అధిక వత్తిడితో కూడిన ఉద్యోగాన్ని చేస్తూ అతగాడు తన వ్యక్తిగత జీవితాన్ని త్యాగం చేసాడు. అతను తాను నిరంతరం శ్రమించి ప్రమోషన్ కొట్టే ప్రాసెస్ లో తన వైవాహిక జీవితం ఎలా కోల్పోయాడో వివరించాడు. సంవత్సరానికి $900,000 (సుమారు రూ. 7.5 కోట్లు) సంపాదించడానికి ఎగ్జిక్యూటివ్ పొజిషన్లో నుండి L7 స్థాయికి చేరుకోవడానికి చాలా శ్రమించాడు. ఈ క్రమంలో అతని భార్య గర్భవతి అని మరిచాడు. ఆమెకి తోడు అవసరం అయినప్పటికీ దానిని పక్కనబెట్టి ఉద్యోగ ధర్మాన్ని పాటించాడు... గృహస్థ ధర్మాన్ని గాలికి వదిలేసాడు.
కట్ చేస్తే... అతని భార్య ప్రస్తుతం అతని నుండి విడాకులు కోరుతోంది. ఈ నేపథ్యంలోనే "నా L7 ప్రమోషన్ ఆమోదించబడింది, కానీ భార్య విడాకులు అడిగింది!" అడిగింది అంటూ వాపోతూ ఓ పోస్ట్ పెట్టాడు. ఈ క్రమంలో ఆ ప్రమోషన్ కోసం గత 3 సంవత్సరాలుగా తాను ఎలా కష్టపడ్డాడో రాసుకొచ్చాడు. కానీ అప్పటికీ చేయి దాటిపోయింది.. అంటూ వాపోయాడు. ఈ క్రమంలో అతగాడు చేసిన పెద్ద తప్పు ఏమంటే? అతని భార్య ఓ పండంటి కుమార్తెకు జన్మనిచ్చింది. కానీ ఆరోజు కూడా ఈ ఫుల్ బిజీగా తన ఉద్యోగ నిర్వహణలో ఉన్నాడు. దాంతో అతని భార్య ప్రసవానంతర నిరాశతో బాధపడుతూ... ఆఖరికి తన భర్తకి విడాకులు కావాలని పేపర్స్ పంపించింది. అయితే దీనిపైన సోషల్ మీడియాలో భిన్న రకాలుగా స్పందనలు వస్తున్నాయి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి