ఇలాంటి అనుభవం కేవలం ఒక్కరికి మాత్రమే కాదు దాదాపు అందరికీ జరిగి ఉంటుంది. మొదటిసారి జాయింట్ వీల్ ఎక్కినప్పుడు మీరు కూడా ఎంతగానో భయపడే ఉంటారు. గత కొన్ని సినిమాలలో ఇలాంటి సన్నివేశాలు ఎంతో మంది ప్రేక్షకులను కడుపుబ్బా నవ్వించాయి కూడా. ఇప్పుడు ఇలాంటి ఒక వీడియో నే సోషల్ మీడియాలో వైరల్ గా మారింది.. ప్రస్తుతం సోషల్ మీడియా లో చక్కర్లు కొడుతున్న జాయింట్ వీల్ అందరినీ తెగ నవ్విస్తుంది అని చెప్పాలి. ఇక్కడ ఓ బాలుడు జాయింట్ వీల్ ఎక్కి భయం తో ఊగిపోయాడు
జాయింట్ వీల్ ఎక్కడానికి ముందు ఒక్కసారి నన్ను ఎక్కించు నాన్న అంటూ ఎంతగానో బ్రతిమిలాడాడు. దీంతో తండ్రి అతని జాయింట్ వీల్ ఎక్కించాడు. అతని సంతోషానికి అవధులు లేవు అని చెప్పాలి. అంతా బాగానే ఉంది కానీ అంతలోనే జాయింట్ వీల్ చిన్నగా కదలడం ప్రారంభించింది. సరికొత్తగా ఫీల్ అయిన సదరు బుడ్డోడు చప్పట్లు కొట్టి మరి ఎంజాయ్ చేశాడు. ఆ సంతోషం ఎక్కువసేపు ఉండలేదు ఇంకాస్త వేగంగా తిరగడం మొదలైంది. దీంతో అప్పటివరకు సంతోషంగా ఉన్న బాలుడు అరవడం మొదలు పెట్టాడు.దేవుళ్ళ పేర్లు తలుచుకోవడమే కాదు ఆపండి అంటూ అరుస్తున్నాడు. దీనికి సంబంధించిన వీడియో సోషల్ మీడియాలో వైరల్ గా మారింది.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి