ఇక ల్యాండ్ మైన్స్ పేలుడుకు సంబంధించిన సన్నివేశాలను చూసినప్పుడు నిజంగానే ల్యాండ్ మైన్స్ కారణంగా ఇంతటి విధ్వంసం జరుగుతుందా అని అందరూ ఆలోచనలో పడిపోతూ ఉంటారు. అయితే ఇక ఇప్పుడు ఇక దీనికి సంబంధించిన వీడియో ఒకటి సోషల్ మీడియాలో వైరల్ గా మారిపోయింది. ల్యాండ్ మైన్ పేలితే ఎంతటి విధ్వంసం జరుగుతుంది అన్నదానికి నిదర్శనంగా ఈ వీడియో నిలిచింది అని చెప్పాలి. మావోయిస్టు రహిత తెలంగాణ లక్ష్యంగా ప్రస్తుతం పోలీసులు ఆపరేషన్ నిర్వహిస్తున్నారు. తమ ప్రాణాలను పణంగా పెట్టి అడవుల్లో జల్లడ పడుతున్నారు.
ఈ క్రమంలోనే పోలీసులను దెబ్బ కొట్టడమే లక్ష్యంగా ఏర్పాటు చేసిన ల్యాండ్ మైన్ ను ఎంతో చాకచక్యంగా నిర్వీర్యం చేశారు పోలీసులు. ఇందుకు సంబంధించిన వీడియోస్ సోషల్ మీడియాలో వైరల్ గా మారిపోయింది. భద్రాద్రి కొత్తగూడెం జిల్లాలోని చర్ల మండలం వద్దిపేట - మోసుగుప్ప రహదారిపై మావోయిస్టులు 15 కేజీల ల్యాండ్ మైన్ అమర్చారు. అయితే ఇక దీనిని గుర్తించిన పోలీసులు బాంబు స్క్వాడ్ సాయంతో దానిని వెలికి తీసి అనంతరం మందు పాతరను నిర్వీర్యం చేశారు. ఇక ఈ క్రమంలోనే ఆ బాంబు పేలుడు దాటికి భూమి పైనే భారీ గొయ్యిపడింది. ఇది చూసి పోలీసులు సైతం షాక్ అయ్యారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి