![](https://www.indiaherald.com/cdn-cgi/image/width=750/imagestore/images/viral/127/mariia-chugurova-india-mumbai-local-train-russian-girl-russian-blogger-5c2561fd-0121-410e-9c52-7583ee88e345-415x250.jpg)
ముఖ్యంగా, ఇండియన్ స్ట్రీట్ ఫుడ్స్ తినడం, ప్రసిద్ధ ప్రదేశాలను చూడడం గురించి ఆమె చాలా వీడియోలు చేసింది. తాజాగా, ముంబై లోకల్ ట్రైన్లో ప్రయాణిస్తూ ఆ వీడియోను తన ఇన్స్టాగ్రామ్లో పోస్ట్ చేసింది. మారియా చుగురోవా తన వీడియోలో భారతీయ రైళ్లలోని గందరగోళం, ఆకర్షణలను చూపించింది. ఈ వీడియోలో ఆమె టిక్కెట్ కొనుగోలు చేసి, రైలు వచ్చే ప్లాట్ఫాం వైపు వెళ్తున్న తీరును చూపించింది.
ఈ రష్యన్ సెలబ్రిటీ ఈ వీడియోకి క్యాప్షన్ రాస్తూ, "సమోసాలు తీసుకొచ్చిన ఆంటీ, పేపర్ చదువుతున్న అంకుల్ మధ్య ఇరుక్కుపోయా, నా స్వంత స్థలం ఎంతో తక్కువగా ఉంది. అప్పుడప్పుడు వచ్చే చాయ్ వాలా పాటలు, ఎవరిదో ఫోన్లోని బాలీవుడ్ సంగీతం కలిపితే, అసలు రైలు ప్రయాణం ఎలా ఉంటుందో అర్థమవుతుంది!" అని రాసింది. మారియా చుగురోవా తన తర్వాతి వీడియోలో రైలు ప్రయాణంలో తన అనుభవాలను మరింత వివరంగా చూపించింది. రైలులో ప్రయాణిస్తున్న ఇతర ప్రయాణికులతో మాట్లాడింది. అంతేకాకుండా, రైలులో మహిళల కోసం ప్రత్యేక కంపార్ట్మెంట్లు ఉన్నాయని కూడా ఆమె గమనించింది.
మహిళల కోసం చేసిన ఈ సౌకర్యాలను చూసి ఆశ్చర్యపోయిన ఆ సెలబ్రిటీ, "ఈసారి రైలు చాలా రద్దీగా లేదు, కాబట్టి రైలులో ఉన్న చాలా మంచి వ్యక్తులతో మాట్లాడే అవకాశం నాకు దొరికింది. మహిళల కోసం ప్రత్యేకంగా ఉన్న స్థలం గురించి చెప్పాలి. ఇండియా, మీరు మహిళలను చాలా బాగా చూసుకుంటారు!" అని తన వీడియోకి క్యాప్షన్ రాసింది. ఈ వీడియో చూసి చాలామంది ఫిదా అవుతున్నారు. ఈ లింకు https://www.instagram.com/reel/C-NCj8ZqUpB/?utm_source=ig_web_copy_link పై ఇచ్చేసి వీడియోను చూడవచ్చు.