![](https://www.indiaherald.com/cdn-cgi/image/width=750/imagestore/images/viral/127/viral-5a4acd2c-186b-42b6-9086-c230884ea7b4-415x250.jpg)
వివరాల్లోకి వెళ్తే ఇటీవల ఈ డ్రైవర్ తన టెంపోను ‘నో పార్కింగ్’ అని ఉన్న చోట పార్క్ చేశాడని ట్రాఫిక్ పోలీసులు జరిమానా విధించారు. దాంతో కోపం తెచ్చుకున్న ఈ డ్రైవర్ దానికి నిప్పు అంటించి తగలబెట్టాడు. ఈ డ్రైవర్ ఈ ఏడాది మార్చిలోనే ఈ కొత్త టెంపోను కొనుగోలు చేశాడు. ట్రాఫిక్ పోలీసులతో జరిగిన వాగ్వాదం తర్వాత కోపంతో ఆయన తన కొత్త వాహనాన్ని తగులబెట్టేశాడు. ఈ విషయాన్ని పోలీసులు వెంటనే ఫైర్ బ్రిగేడ్కు తెలియజేశారు. ఫైర్ బ్రిగేడ్ సిబ్బంది వెంటనే సంఘటనా స్థలానికి చేరుకుని మంటలను ఆర్పివేశారు.
బులంద్షహర్లో టెంపోను తగులబెట్టిన వ్యక్తిపై పోలీసులు కేసు నమోదు చేశారు. ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది. రాఖీ పండుగ సందర్భంగా ట్రాఫిక్ను నియంత్రించడానికి పోలీసులు విధుల్లో ఉన్నారు. స్థానికుల ప్రకారం, పహాసు-ఖుర్జా రోడ్డుపై ఓ లోడ్ లేని టెంపోను పార్క్ చేశారు. దీనిపై కరౌరి పోలీస్ స్టేషన్ ఇన్చార్జ్ జరిమానా విధించారు. డ్రైవర్ మొదట వాహనాన్ని మరో చోటికి తీసుకెళ్లి, తర్వాత తిరిగి వచ్చి తన టెంపోను తగులబెట్టాడు. అతను ఈ ఘటన జరిగిన సమయంలో మద్యం తాగిన స్థితిలో ఉన్నాడని పోలీసులు చెబుతున్నారు.
డ్రైవర్ మాత్రం పోలీసే తన టెంపోను తగులబెట్టారని ఆరోపిస్తున్నాడు. అతని ప్రకారం, అతను రోడ్డు పక్కన ఉన్న ఓ దుకాణం నుంచి సరుకులు కొనడానికి తన వాహనాన్ని పార్క్ చేశాడు. ఆ సమయంలో ఓ ట్రాఫిక్ పోలీస్ అతనికి జరిమానా విధించాడు. దీనికి అతను అభ్యంతరం తెలిపాడు. దీంతో కోపగించుకున్న పోలీస్, ప్రతీకారంగా అతని టెంపోను తగులబెట్టారని డ్రైవర్ ఆరోపిస్తున్నాడు. మరి ఇక్కడ ఎవరిది తప్పు అనేది ఇంకా తెలియ రాలేదు ఈ వైరల్ వీడియోను చూడడానికి https://twitter.com/SachinGuptaUP/status/1825719162548658495?ref_src=twsrc%5Etfw%7Ctwcamp%5Etweetembed%7Ctwterm%5E1825719162548658495%7Ctwgr%5E%7Ctwcon%5Es1_c10&ref_url=https%3A%2F%2Fapi-news.dailyhunt.in%2F లింక్ పై క్లిక్ చేయవచ్చు.