ఏపీలోని అనంతపురం జిల్లా గుంతకల్లు కోర్టు ఆవరణలో తాజాగా షాకింగ్ ఘటన జరిగింది. ఓ భారీ పాము ఎక్కడి నుంచి వచ్చిందో తెలియదు కానీ, అది నేరుగా పార్కింగ్ ప్రాంతంలోకి వెళ్లింది. ఓ బైక్‌లో దూరింది. చక్కగా బైక్‌లో రెస్ట్ తీసుకుంటోంది. అయితే బైక్ యజమానికి ఈ విషయం తెలియదు. దీంతో ఎప్పటిలాగే తన బైక్ వద్దకు వచ్చాడు. దానిపై కూర్చునే సమయంలో బైక్‌లో భారీ పాము ఉండడం గమనించాడు. వెంటనే భయంతో అక్కడి నుంచి పారిపోయాడు. అతడు బైక్‌పై కూర్చుంటే పాము కాటుతో ఖచ్చితంగా అతడి ప్రాణాలు పోయేవి. అదృష్టవశాత్తూ తృటిలో అతడికి ప్రాణాపాయం తప్పింది. ఇక ఆ పాము కూడా బైక్ నుంచి బయట పడేందుకు తీవ్రంగా ప్రయత్నించింది. అయితే బైక్ నుంచి రాలేక అవస్థలు పడింది. బైక్‌లో పాము దూరిన విషయాన్ని స్థానికులు స్నేక్ క్యాచర్‌కు తెలిపారు. అక్కడికి వచ్చిన స్నేక్ క్యాచర్ సైతం పామును బైక్ నుంచి బయటకు తీయడానికి చాలా శ్రమించాడు. ఎట్టకేలకు బైక్ ఇంజిన్‌లో ఇరుక్కున్న పామును ఆ స్నేక్ క్యాచర్ బయటకు తీశాడు. తర్వాత దానిని నిర్మానుష్య ప్రాంతంలో విడిచి పెట్టాడు. దీంతో కోర్టు ఆవరణలో ఉన్న అడ్వకేట్లు, పోలీసులు, ఇతర సామాన్య ప్రజలు ఊపిరి పీల్చుకున్నారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి