ఇప్పుడు అలాంటి ప్రాణంగా అభిమానించే ఓ అభిమానికి వచ్చిన కష్టం చూస్తే అందరికీ గుండె తరుక్కుపోతుంది. 'దేవర' సినిమా చూసేవరకు తనను బతికించాలని ఓ క్యాన్సర్ పేషెంట్‌ చివరి కోరిక కోరుతున్నాడు. ఆంధ్రప్రదేశ్‌కు చెందిన కౌశిక్ (19) కొంతకాలంగా బోన్‌ క్యాన్సర్‌తో బాధపడుతున్నాడు. అతడు జూనియర్ ఎన్టీఆర్ కి వీరాభిమాని కావడంతో చనిపోయేలోపు 'దేవర' సినిమా చూడాలని కోరుకుంటున్నట్లు అతని తల్లిదండ్రులు తెలిపారు. ఈ మేరకు తిరుపతి ప్రెస్‌క్లబ్‌లో వారు మీడియా సమావేశం నిర్వహించారు.'నా కుమారుడి కౌశిక్ కి చిన్నప్పటి నుంచి ఎన్టీఆర్ అంటే చాలా ఇష్టం. ఇప్పుడు కూడా చివరి కోరికగా 'దేవర' సినిమా చూడాలని అడుగుతున్నాడు. బ్లడ్ క్యాన్సర్ తో బాధపడుతున్న నా కొడుకును కనీసం దేవర సినిమా విడుదల అయ్యేవరకు బతికించాలని ఆ తల్లి కన్నీటి పర్యంతం అయింది. అది ఒక్కటే అతని ఆఖరి కోరిక' అంటూ కౌశిక్ తల్లి డాక్టర్లను వేడుకుంటోంది.
కన్నబిడ్డను ఎలాగైనా బతికించుకోవాలని ఇన్నాళ్లు కష్టపడి, ఇప్పుడు తన చివరి కోరిక తీర్చడం కోసం ఆ తల్లిదండ్రులు ఆరాటపడుతున్నారు. ఈ మేరకు ఆ యువకుడి తల్లి మీడియా ముందు కన్నీటిపర్యంతం అయ్యింది.కౌశిక్ ఎక్కువ కాలం బతకడు అని డాక్టర్లు చెప్తున్నారు. అయితే.. ఎన్టీఆర్ వీరాభిమానిగా ఉన్న ఆ యువకుడు.. 'అమ్మా.... నేను బతకనని తెలుసు. నా కోసం బాధపడకండి. దేవర సినిమా విడుదల వరకూ బతికించండి చాలు.. నా చివరి కోరిక తీర్చండి' అని కౌశిక్ కోరుతున్నాడని ఆ తల్లిదండ్రులు వేదనతో చెప్పడం అందరినీ కంటతడి పెట్టిస్తోంది.
టీటీడీలో కాంట్రాక్ట్‌ డ్రైవర్‌గా పనిచేస్తున్న శ్రీనివాసులు, సరస్వతి దంపతుల పెద్ద కుమారుడు కౌశిక్‌కు 2022 నుంచీ బ్లడ్ కేన్సర్‌ కు చికిత్స తీసుకుంటున్నాడు. ప్రస్తుతం బెంగళూరులోని కిడ్‌వై హాస్పిటల్లో చికిత్స పొందుతున్నాడు. బోన్‌ మారో చికిత్సకు రూ.60లక్షలకు పైగానే ఖర్చవుతుందని వైద్యులు తెలిపారు. ప్రభుత్వం, దాతలు తమకు సాయం చేయాలని కౌశిక్ తల్లిదండ్రుల విజ్ఞప్తి చేస్తున్నారు.ప్రస్తుతం ఇందుకు సంబధించిన వీడియో సోషల్ మీడియాలో వైరల్ అవుతుంది. ఈ వీడియోను ఎన్టీఆర్ అభిమానులు షేర్ చేసి.. ఆయన్ని ట్యాగ్‌ చేస్తున్నారు. ఈ విషయం ఎన్టీఆర్ వరకు చేరితే.. తప్పకుండా సాయం చేస్తారని ఫాన్స్ పోస్టులు పెడుతున్నారు. మరి ఎన్టీఆర్ త్వరగా స్పందించాలని అందరం కోరుకుందాం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి