కట్ చేస్తే, జిల్లా వైద్యారోగ్య శాఖ ఉన్నతాధికారులు స్పందిస్తూ, సదరు కాంట్రాక్ట్ ఉద్యోగిని విధుల నుంచి తొలగించారు. అయితే అప్పటికే అక్కడి ప్రభుత్వ ఆసుపత్రుల్లో సిబ్బంది ఆలక్ష్యంగా ఉంటున్నారంటూ ఆరోపణలు వస్తున్నాయి. ఈ నేపథ్యంలో ఈ ఘటన జరగడంతో అధికారులు వచ్చిందే అవకాశం అనుకొని ఆ ఒక్క రూపాయి లంచంగా తీసుకున్న అధికారిపై వేటు వేశారు. దాంతో ఒక్క రూపాయి అధికంగా వసూల్ చేసిన కాంట్రాక్ట్ ఉద్యోగిని ఎమ్మెల్యే నిలదీస్తున్న ఓ వీడియో సోషల్ మీడియాలో వైరల్ అవుతుంది.
ఇకపోతే కమ్యూనిటీ హెల్త్ సెంటర్లు అనేవి పూర్తిగా రాష్ట్ర ప్రభుత్వ ఆధ్వర్యంలో నడుస్తాయి. ఆ ఆసుపత్రుల్లో రూ. 1కే రోగులకు మందులు అమ్ముతూ ఉంటారు. అయితే సదరు కాంట్రాక్ట్ ఉద్యోగి మాత్రం రోగి నుంచి అదనంగా మరో రూపాయి కలుపుకొని రూ.2 వసూల్ చేశాడు. దాంతో అక్కడి స్థానిక ప్రజలు ఆగ్రహం వ్యక్తం చేసారు. ఈ నేపథ్యంలో తనిఖీల సందర్బంగా ఆసుపత్రిలోని రోగులతో బీజేపీ ఎమ్మెల్యే ప్రేమ్ సాగర్ పటేల్ మాట్లాడుతూ... ఆసుపత్రిలోని ప్రసూతి కేంద్రంలో రాత్రి వేళల్లో మహిళా వైద్యులు లేరని సభ్యులు ఫిర్యాదు చేశారన్నారు. అలాగే ఆసుపత్రిలో వైద్యులు రాసిన మందులు బయట కొనుగోలు చేయాల్సి వస్తుందని కూడా రోగులు ఆవేదన వ్యక్తం చేశారని, త్వరలో ఈ అంశాన్ని జిల్లా వైద్యాధికారుల దృష్టికి తీసుకు వెళ్తామని పటేల్ ఈ సందర్భంగా వెల్లడించారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి