వివరాల ప్రకారం… మహ్మద్ అఫ్రోజ్ ఆలం అనే వ్యక్తి గత ఆగస్టు 4న హెల్మెట్ లేకుండా సుపాల్‌లో ప్రయాణించాడు. డిగ్రీ కాలేజ్ చౌక్‌లో ట్రాఫిక్ పోలీసులు హెల్మెట్ లేకుండా వెళుతున్న అఫ్రోజ్ బైక్ ఫోటో తీశారు. ఆ సమయంలో రూ.1,000 చలానా విధించారు. కొన్నిరోజులకు అఫ్రోజ్ మొబైల్‌కు రూ.1,01,000 చలానా కట్టాలంటూ మెసేజ్ వచ్చింది. ఇది చూసిన అతడి ఒక్కసారిగా షాక్ అయ్యాడు. వెంటనే ట్రాఫిక్ పోలీస్ స్టేషన్‌కు వెళ్లి ఫిర్యాదు చేశాడు. అయినా కూడా ఇప్పటివరకు చలానాలో సవరణ జరగలేదు. అఫ్రోజ్ చలానాకు సంబంధించిన ఫొటోను సోషల్ మీడియాలో పోస్ట్ చేశాడు.ఈ చలానాను సుపాల్‌ ట్రాఫిక్ పోలీస్ స్టేషన్‌ ఎస్‌ఐ కృష్ణబలి సింగ్‌ జారీ చేసినట్లు తెలుస్తోంది. హెల్మెట్ లేకుండా బైక్ నడిపినందుకు రూ.1000 జరిమానా విధించగా.. పొరపాటుగా రూ.1,01,000గా పడిందట. ఇది మానవ తప్పిదమని జిల్లా రవాణా అధికారి శశిశేఖరం పేర్కొన్నారు. 2014లో సుమారు రూ.65 వేలకు తన బైక్‌ను కొనుగోలు చేశానని.. రూ.1,01,000 చలానా ఉందని మహ్మద్ అఫ్రోజ్ ఆలం చెప్పాడు. తనది పేద కుటుంబం అని, అధికారులు త్వరగా చలానాను సవరించాలని కోరాడు.ఈ నేపథ్యంలో ట్రాఫిక్ పోలీసులు రోడ్డు పై కనిపిస్తే చాలు బైకుపై వెళ్లే వాహనదారుడు మరో దారి వెతుక్కుంటాడు. జరిమానాతో పోలీసులు జేబులకు చిల్లుపడేలా చేస్తారనే భయంతో వాహనదారుడు ఇతర మార్గాల కోసం వెతుకుతాడు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి