సోషల్ మీడియాలో ఎప్పుడు సరికొత్త చాలెంజ్ లు పుట్టుకొస్తూ ఉంటాయి అన్న విషయం తెలిసిందే. ఎవరైనా ఏదైనా ప్రమాదకరమైన విన్యాసాలు చేయడం ఇక మరొకరిని ఆ విన్యాసం చేయమని ఛాలెంజ్ విసరడం చేస్తూ ఉంటారు. అయితే కొన్ని కొన్ని విన్యాసాలు ఏకంగా ప్రాణాలనే రిస్క్ లో పెట్టే విధంగా ఉంటాయి అని చెప్పాలి. ఇప్పుడు మనం మాట్లాడుకోబోయేది కూడా ఇలాంటి తరహా విన్యాసం గురించే. ఇంతకీ చాలెంజ్ యాక్సెప్ట్ చేసిన వారు ఏం చేయాలో తెలుసా.. ఒక షర్ట్ ఐరన్ చేయాలి. ప్రమాదకరమైన విన్యాసం అంటే ఇంకా ఏదో అనుకున్నాం. ఊరికే షర్ట్ ఐరన్ చేయడమేన.. ఇది కూడా ఒక ఛాలెంజ్ అంటారా అని మీరు అనుకుంటున్నారు కదా.
అలా అనుకున్నారు అంటే మీరు పప్పులో కాలేసినట్లే. ఎందుకంటే మీరు అన్నట్లు ఛాలెంజ్ యాక్సెప్ట్ చేసిన వారు షర్ట్ ఐరన్ చేయడం మాత్రమే చేయాలి. కానీ అందరిలా కాదు. ఏకంగా ప్రమాదకర రీతిలో ఇలాంటి ఛాలెంజ్ పూర్తి చేయాల్సి ఉంటుంది. ప్రపంచ వ్యాప్తంగా ఎంతో మంది డేరింగ్ ఛాలెంజ్ చేసి అబ్బుర పరుస్తూ ఉంటారు. అయితే ఇలాంటి డేంజరస్ ఛాలెంజర్స్ లో ఎక్స్ట్రీమ్ ఐరనింగ్ ఛాలెంజ్ కూడా ఒకటి. నీటి లోపల, పర్వతాలపై, పారాచూట్ దూకడం వంటి వినాసాలు చేస్తూ షర్ట్ ఐరన్ చేయడమే ఈ ఛాలెంజ్. 1997లో ఇంగ్లాండుకు చెందిన ఫీల్ షా దీనిని ప్రారంభించాడు. 2003లో జాన్, బెన్ అనే ఇద్దరు ఎవరెస్టుపై ఈ ఛాలెంజ్ పూర్తి చేసి గిన్నిస్ బుక్ రికార్డు కొట్టారు.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి