ఇక తాజా సంఘటన కూడా దానికి ఓ ఉదాహరణగా చెప్పుకోవచ్చు. విషయం ఏమిటంటే, కొంతమంది పోకిరీ యువకులు, యువతులు రహదారిపైన రీల్స్ చేస్తూ వీడియో షూట్ చేసే పనిలో నిమగ్నమై ఉన్నారు. వీడియో ప్రకారం చూసుకుంటే మొత్తం 6 మంది ఓ రీల్ రికార్డ్ చేసే పనిలో బిజీగా ఉంటూ వెనుకనుండి వేగంగా దూసుకు వచ్చే కారుని గమనించలేకపోయారు. దాంతో ఆ కారు వారిని ఢీకొట్టింది. దాంతో వారందరూ గాయాలపాలైనట్టు సమాచారం. సదరు వీడియో ఇపుడు సోషల్ మీడియాలో కూడా వైరల్ కావడంతో జనాలు వారిని ఇష్టమొచ్చినట్టు తిడుతున్నారు. అమ్మ బాబులు చదువుకొమ్మని కాలేజులకి పంపిస్తుంటే వీరికి తిన్నది అరక్క ఇలా పిచ్చి పిచ్చి పనులు చేస్తున్నారు అంటూ కామెంట్స్ చేస్తున్నారు.
అయితే ఇదే తరహా ఘటన ఇటీవల బిజ్నోర్‌లోని కిరత్‌పూర్ ప్రాంతంలో చోటుచేసుకుంది. రీల్ కోసం నలుగురు యువకులు బిజీ రోడ్డు పైకి వెళ్లారు. అదే లేన్‌లో చాలా వేగంగా వస్తున్న కారు వీరిని వేగంగా ఢీ కొట్టడంతో సమర్‌, నోమాన్ అనే ఇద్దరు యువకులు తీవ్రంగా గాయపడ్డారు. ఈ ఘటన జాతీయ రహదారిపై తాజాగా జరిగింది. ముందలా గ్రామానికి చెందిన ఈ ఇద్దరు యువకులను వెంటనే ఆస్పత్రికి తరలించారు. దీనికి సంబంధించిన వీడియో కూడా అపుడు సోషల్ మీడియాలో వైరల్ అయింది. ప్రస్తుతం ఇద్దరు బాధితులకు ఆస్పత్రిలో చికిత్స చేస్తున్నారు. ఈ ఘటన ప్రతి ఒక్కరికి ఒక పాఠం కావాలని చాలామంది నెటిజన్లు కోరుతున్నారు. బిజీ రోడ్లపై జాగ్రత్తగా వెళ్లాలని సూచిస్తున్నారు. మరోవైపు ఒక పదహారేళ్ల అమ్మాయి టెర్రస్ పైన రీల్స్ తీస్తూ 6వ అంతస్తు పైనుంచి కింద పడింది. అయితే అదృష్టవశాత్తూ మొక్కపై పడటం వల్ల ఆమె చనిపోకుండా ఈ ప్రమాదం నుంచి బయటపడింది. కానీ ఛాల్తీ గాల్లో కలిసిపోయేదే! కాబట్టి ఒళ్ళు జాగ్రత్త సుమీ!
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి