కొన్ని రోజుల క్రితం ఓ పెళ్లి వేడుకలో భాగంగా సంగీత్‌లో డ్యాన్స్ చేస్తూ ఓ యువతి ఒక్కసారిగా కుప్పకూలిపోయి, మరణించిన సంగతి విదితమే. ఊహించని విధంగా ఆ యువతికి గుండెపోటు రావడంతో ప్రాణాలు కోల్పోయింది. కాగా ఆ యువతి ఇండోర్‌కు చెందిన పరిణీత జైన్(23) అని తరువాత తెలిసింది. శనివారం విదిశాలో జరుగుతోన్న తన కజిన్ సిస్టర్ వివాహానికి హాజరుకాగా ఈ దుర్ఘటన చోటుచేసుకోవడంతో కుటుంబం అంతా శోకసంద్రంలో కలిసిపోయింది. ఆ సందర్భంలో అక్కడ బంధువుల్లో వైద్యులు హుటాహుటిన ఆమెకు సీపీఆర్ చేసినా వారి ప్రయత్నం ఫలించకపోవడం బాధాకరం. తరువాత సమీపంలో ఆస్పత్రికి తరలించినా ఫలితం లేకపోయింది.

ఈ క్రమంలో అనేక విషయాలు బయటకు వస్తున్నాయి. పరిణీతి సోదరుడు కూడా అచ్చం ఇలాగే చనిపోవడం చాలామందిని ఆశ్చర్యపరిచింది. అతడు 12 ఏళ్ల వయసులోనే గుండెపోటుతో మరణించినట్లు కుటుంబ సభ్యులు తెలిపారు. ఇది జరిగిన కొన్నాళ్ల తర్వాత సోదరుడిలాగే పరిణీతి కూడా హార్ట్‌ఎటాక్‌తో మృతిచెందడంతో ఆ తల్లిదండ్రులు దారుణంగా శోకించారు. ఎంబీఏ పూర్తిచేసిన పరిణీతకు త్వరలోనే తల్లిదండ్రులు వివాహం చేయాలని అనుకోగా... అంతలోనే ఈ విషాదం చోటుచేసుకుంది. అయితే తాజాగా ఈ ఘటనపై ఆమె తండ్రి స్పందిస్తూ... కొన్ని ఆసక్తికరమైన విషయాలు చెప్పుకొచ్చాడు.

పరిణీత చాలా విభిన్నమైన వ్యక్తి అని... ఆమె ప్రతి రోజు యోగా, జిమ్ చేస్తున్నా... ఆమెని గుండెపోటు కబలించిందని వాపోయాడు. అదేవిధంగా ఆమె మరణించిన వారం రోజుల ముందే ఫుల్ బాడీ చెక్ అప్ చేయించుకుందని... రిజల్ట్ నార్మల్ వచ్చిందని చెప్పుకొచ్చాడు. అయినా సరే ఈ సడెన్ హార్ట్ ఎటాక్ ఏమిటి? అన్నట్టు ఆయన ఆశ్చర్యపోయాడు. పరిణీత ఆరోగ్యం పట్ల ఎక్కవ దృష్టి పెట్టేదని, ఫుడ్ విషయంలో కూడా అంతే ఖచ్చితంగా ఉన్నప్పటికీ కాలం ఆమె విషయంలో అన్యాయం చేసిందని వాపోయాయడు. ఇకపోతే ఇటువంటి ఘటనలు చూసిన నెటిజన్లు.. కోవిడ్ 19 వ్యాప్తి తర్వాత తరుచుగా ఇలాంటి ఘటనలు జరుగుతున్నాయని, కరోనా టీకాల వల్లే ఇలా జరుగుతోందని ఆరోపించగా ఈ నిరాధారమైన ఆరోపణలను వైద్యులు మాత్రం తోసిపుచ్చుతున్నారు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

praveen

13/02/2025 12:08 PM