ఈ ఒత్తిడికి సంబంధించి బేక్ మాన్ ఇన్సిస్ట్యూట్ ఒక పరిశోధన చేసి పలు కీలక విషయాలను "జర్నల్ అఫ్ వుమన్ అండ్ ఏజింగ్" లో తెలిపింది.
ముఖ్యంగా ఒత్తిడిలో ఉన్న అమ్మాయిలకు ఉపయోగపడే విషయాలను ఈ ఇన్స్టిట్యూట్ వెల్లడించింది. ఎవరైతే ఒత్తిడిలో ఉంటారో వారు వారి స్నేహితులతో ఆ విషయాలను పంచుకోవడం వలన ఒత్తిడి నుండి బయటపడతారని తెలిపింది. అంతే కాకుండా వారికి పూర్తి మనశ్శాంతి కలుగుతుందని వీరు వెల్లడించారు. మనము ఒత్తిడికి లోనయినప్పుడు మన శరీరంలో కార్టిసాల్ అనే హార్మోను విడుదలవుతుందని వేరు తెలిపారు. అయితే ఈ హార్మోన్ స్నేహితులతో తమ బాధలను పంచుకుంటున్న యువతులు మరియు వృద్దులలో అతి తక్కువగా విడుదల అవుతోందని నిర్దారించారు. దీనిని బట్టి ఈ పరిస్థితులలో వారిపైనా ఒత్తిడి ప్రభావం అంతగా ఉండదని తెలుస్తోంది.
అయితే ఎన్ని పరిశోధనలు చెప్పినా, ఎంతమంది శాస్త్రజ్ఞులు వివరించినా ఈ విషయం వాస్తవం. ఎవ్వరికైనా మనసులో ఏదైనా బాధ ఉన్నప్పుడు, దానినే లోచిస్తూ ఒత్తిడికి లోనవడం వలన ఉపయోగం ఉండదు. అదే ఆ బాధను మీరు పక్కవారితో షేర్ చేసుకోవడం వలన మీకు ఉపశమనం కలుగుతుంది. ఈ విషయాన్ని ప్రతి ఒక్కరూ అర్ధం చేసుకుని ఆచరించాల్సిన అవసరం ఉంది. ఈ రోజుల్లో వివిధ కారణాల వలన కలిగే ఒత్తిళ్లకు తట్టుకోలేక ఎంతోమంది ప్రజలు ఆత్మహత్యలు చేసుకుంటున్నారు. మీలో ఎంత బాదున్నా వేరొకరితో పంచుకోండి. ఏ బాధయినా చంపేంత కష్టమైనదైతే కాదని గ్రహించండి. మీరు బ్రతకండి నలుగురిని బ్రతికించండి.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి