ప్రపంచ వ్యాప్తంగా కొన్ని వేల మంది పాల్గొన్న ఈ పోటీలో విజేతగా నిలిచిన ఈ 15 సంవత్సరాల అమ్మాయి ఎంతోమంది తమ్ముళ్లకు చెల్లెళ్లకు ఆదర్శంగా నిలిచి వారికి రోల్ మోడల్ గా నిలుస్తోంది. ఇటీవల ఆపిల్ నిర్వహించిన డబ్ల్యూ డబ్ల్యూ డి సి 21 స్విఫ్ట్ స్టూడెంట్ చాలెంజ్ లో ప్రపంచం నలుమూలల నుంచి కొన్ని వేల మంది ఇందులో పాల్గొనగా 350 మంది విజేతలుగా నిలిచారు. ఇందులో అభినయ కూడా ఒకరు. ప్రస్తుతం ఈమె న్యూజెర్సీలో నివసిస్తుండగా గ్యాస్ట్రో ఎట్ హోమ్ అనే యాప్ ను తయారుచేసి సరికొత్త ట్రెండ్ సృష్టించింది.
జీర్ణాశయ సమస్యలతో బాధపడేవారికి ఎంతో ఉపయోగపడే విధంగా ఈ యాప్ ను రూపొందించింది అభినయ. కొన్ని ఆరోగ్య సమస్యల గురించి నేరుగా ఇతరులతో చర్చించలేము. ఇలాంటి ఇబ్బందులకు ఇది చక్కటి పరిష్కారం అంటోంది అభినయ. ఈ యాప్ త్వరలోనే ప్లేస్టోర్ లో స్థానం పొందుతుంది. అంతేకాకుండా ఇంపాక్ట్ ఏఐ అనే లాభాపేక్షలేని సంస్థ ను కూడా అభినయ నిర్వహిస్తుండడం గర్వకారణం. దీని ఆధ్వర్యంలో గర్ల్స్ ఇన్ ఏఐ అనే ఎనిమిది వారాల హైస్కూల్ కార్యక్రమాన్ని చేపట్టింది. దీనిద్వారా ఆర్టిఫిషియల్ ఇంటెలిజెన్స్ లో విద్యార్థులకు శిక్షణ అందిస్తోంది. ఇంత చిన్న వయసులోనే చక్కని ప్రతిభ కనపరుస్తున్న అభినయ చాలా గ్రేట్ కదు.. భవిష్యత్తులో ఆమె ఇలాంటి ఎన్నో ఘనతలు సాధించాలని కోరుకుందాం.
క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి