తెలుగు సినీ పరిశ్రమలో డిస్ట్రిబ్యూటర్ గా , నిర్మాతగా కెరియర్ను కొనసాగిస్తున్న వారిలో దిల్ రాజు ఒకరు. ఈయన సినిమా ఇండస్ట్రీలో మొదటగా డిస్ట్రిబ్యూటర్ గా కెరియర్ను మొదలు పెట్టాడు. అలా చాలా కాలం పాటు డిస్ట్రిబ్యూటర్ గా కెరియర్ను కొనసాగించిన ఆయన ఆ తర్వాత దిల్ మూవీ తో నిర్మాతగా కెరియర్ను స్టార్ట్ చేశాడు. ఇక నిర్మాతగా అద్భుతమైన స్థాయికి చేరుకున్నాక కూడా దిల్ రాజు మూవీలకు డిస్ట్రిబ్యూటర్ గా వ్యవహరిస్తూ వస్తున్నాడు. ఇకపోతే కొంత కాలం క్రితం దిల్ రాజు ఓ ఇంటర్వ్యూలో పాల్గొన్నాడు.

అందులో భాగంగా ఓ ఇద్దరు స్టార్ హీరోల సినిమాల వల్ల తాను చాలా కోట్లు నష్టపోయినట్లు చెప్పుకొచ్చాడు. ఒకానొక ఇంటర్వ్యూలో భాగంగా దిల్ రాజు మాట్లాడుతూ ... నేను 2017 వ సంవత్సరం పవర్ స్టార్ పవన్ కళ్యాణ్ హీరోగా త్రివిక్రమ్ శ్రీనివాస్ దర్శకత్వంలో రూపొందిన అజ్ఞాతవాసి సినిమా డిస్ట్రిబ్యూషన్ హక్కులను కొనుగోలు చేశాను. అలాగే సూపర్ స్టార్ మహేష్ బాబు హీరో గా ఏ ఆర్ మురగదాస్ దర్శకత్వంలో రూపొందిన స్పైడర్ మూవీ డిస్ట్రిబ్యూషన్ హక్కులను కూడా కొనుగోలు చేశారు. ఈ రెండు మూవీల డిస్ట్రిబ్యూషన్ హక్కులను నేను భారీ ధరకు కొనుగోలు చేశాను.

ఇక ఈ రెండు మూవీలు కూడా బాక్స్ ఆఫీస్ దగ్గర పెద్ద స్థాయి అపజయాలను ఎదుర్కున్నాయి. దానితో ఆ రెండు సినిమాల ద్వారా దాదాపు నాకు 25 కోట్ల మేర నష్టం వచ్చింది. కానీ నేను నిర్మించిన చాలా సినిమాలు 2017 వ సంవత్సరం విడుదల అయ్యాయి. అందులో చాలా సినిమాలు మంచి విజయాలు సాధించడంతో ఆ మూవీల ద్వారా నాకు భారీ ఎత్తున లాభాలు వచ్చాయి. దానితో అజ్ఞాతవాసి , స్పైడర్ మూవీలతో వచ్చిన నష్టాలను నేను సొంతగా నిర్మించిన సినిమాల ద్వారా వచ్చిన లాభాలతో పూడ్చుకున్నాడు అని దిల్ రాజు చెప్పుకొచ్చాడు.
మరిన్ని ఇంట్రెస్టింగ్ అప్ డేట్స్ కోసం wa క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

Pulgam Srinivas

20/04/2025 08:08 PM